صدر مملکت نا بیلاروس نا سرکڑدہ غاتے آجوئی دے آ مبارکبادی

صدر مملکت آصف علی زرداری بیلاروس نا صدر الیگزینڈر لوکاشینکو و الس ءِ آجوئی دے آ مبارکبادی تسنے۔ جمعہ نادے آ ایوان صدر نا پریس ونگ انا رداٹ صدر مملکت تینا کلہو اٹی پارے کہ منسک نا آجوئی نا داتاریخی دے آجوئی و وتواجہی نا جہد اٹی بیلاروس ناالس نا حوصلہ و پکا عزم انا یاتگار ءِ۔ اوپارے کہ دادے امن، سوگوی و قومی یکجہتی نا کنڈآ بیلا روس نا شانی سفر نا اسہ گمر نا قابل چیدہ اسے۔ صدر آصف علی زرداری پارے کہ پاکستان ہڑتوم آملک آتا نیام اٹ گچین و کمکاری آ تالان تعلقداری تے بھاز قدر انا نظر اٹ ہرک ہرا تین پہ تینی پت و شونداری کن اسیجائی است خواہی تیا سلوک ءِ۔ اوتین پہ تینی است خواہی نا چندی بشخ آتیٹی ہڑتوم آ کنڈآتا تعلقداری تے مون آ دننگ کن پاکستان نا پکا عزم انا درشانی ءِ کرے۔