مالی سال 2022ء آن داتم اسکان پیشن نا وام تیٹی ودکی متنے،گورنر اسٹیٹ بینک
2015 غان 2022ء نا نیام اٹ ملک انا پیشن نا وام تا سالانہ کچ 6 ارب ڈالر اسکان ودسا ہناکہ
Get real time updates directly on you device, subscribe now.
اسٹیٹ بینک آف پاکستان نا گورنر جمیل احمد ملکی زرگزران نا بابت اہم ترین ہندسہ غاتـے تالان کرسا پارینے کہ پاکستان پیشن نا وام تـا باریم ءِ سرسہبی اٹ سوگو کرینـے و مالی سال 2022ء آن داسکان دا وام آتیٹی ہچ ءُ ودکی اس متـنے۔ وام تـا باریم اٹی نمان کمتی و سوگوی نظر بننگ اٹی ءِ۔ گورنر اسٹیٹ بینک میڈیا تون گپ و تران اٹی اسہ موازنہ اس مون آ تخسا پارے کہ 2015ء آن 2022ء نا نیام اٹ ملک انا پیشن نا وام سالانہ 6 ارب ڈالر نا کچ اٹ ودسا ہناکہ، ولے داسکان نا زرگزرانی سُج پام نا سوب آن تدوک آ چار سال آن پیشن نا وام ہندا کہول آ سلیسـنے، ہرا اسہ بھلو سرسہبی اسے۔
حوالی نا رِد اٹ، مالی سال نا ایسر آ پاکستان نا زرگزرانی کوڑی تیٹی ساڑھے 5 ارب ڈالر نا ودکی مسـنے، ہراڑان مچ آ کوڑی 18.4 ارب ڈالر اسکان سر مسـنو۔ دا وخت آ اسٹیٹ بینک نہ بیرہ کوڑی تـے ودفے بلکہ 5 ارب ڈالر نا تینا وام تـے ہم ادا کرے۔ گورنر مستی پارے کہ آج پاکستان تون 15 دے نا درامدات کن پکار کچ آن سد آ کچ زیات ریزرو ساڑی ءِ، ہراڑان جہانی کہول آ ملک نا زرگزرانی ریٹنگ اٹی جوانی بریک۔
مالی سال 2025-26 نا اولیکو 11 تُو اٹی کرنٹ اکاؤنٹ خسارہ سرپلس سلیسـنے، و اومیت ءِ کہ مچ آ سال نا کھاتہ صفر آن اسہ فیصد نا نیام اٹی مریک۔ پیشن نا ملک آتیٹی رہینگوک آ پاکستانی تـا کنڈ آن راہی کروک آ زر (ترسیلاتِ زر) نا بابت پاننگا کہ مالی سال 2026ء اٹی دا 41.5 ارب ڈالر آن زیات مننگ نا گمان ءِ، ہرا ملکی زرگزران کن اسہ اہم ءُ تمبہ اس پک مرو۔