چانڑدمی ساؤتھ ایشین گیمز کن 11 ارب روپئی نا فنڈ انا منظوری،وزیر اعظم شہباز شریف
2027ء اٹ مروک گوازی تا مہمانداری ءِ پاکستان 22 سال آن پد کننگ ءِ، تیاری تے دمدستی بنا کننگے، پارت
Get real time updates directly on you device, subscribe now.
وزیراعظم شہباز شریف بروک آ سال پاکستان اٹی اڈ ہلوک آ چودہویں ساؤتھ ایشین گیمز (سیف گیمز) نا سرسہب اڈ تننگ کن 11 ارب روپئی نا فنڈ نا منظوری تس۔ حوالی نا رِد اٹ وزیراعظم تعلقدار آ ادارہ غاتـے گوازی تـا تیاری تـے دمدستی وڑاٹ بنا کننگ نا پارت ہم جاری کرینـے۔ حوالی نا پاننگ ءِ کہ چودہویں ساؤتھ ایشین گیمز مارچ 2027ء اٹی اڈ ہلیرہ، ہرافتـا مہمانداری ءِ پاکستان 22 سال آن پد کننگ اٹی ءِ۔ دا بھلا جہانی اسپورٹس ایونٹ اٹی سویلی ایشیا نا جتا جتا ملک آتـا ہزار آ گوازی گر و آفیسر آک بشخ ہلیرہ۔ منظور کروک آ 11 ارب روپئی نا فنڈ آتـے ریسہ و ریسہ (مرحلہ وار) جاری کننگ مرو۔ دا زر اسٹیڈیم آتـا جوانی، گوازی تـا آسراتی تـا گچینی، لاجسٹکس، بنائی و ایسری دود آتـا، رکھ، انتظامی باندات و ایلو المی آ خڑچ آتیا خڑچ کننگ مرو۔