کیچی بیگ پولیس نا کارروائی، دوبہ دار آتیان پلوک آ گڑاک دوئی

پولیس نا اہم کارروائی، کیچی بیگ پولیس راہزنی نا حوال رسینگ آ جاگہ غا سرمس تو پاننگوک لٹ وپل نا زموار دوبہ دار آک پولیس پارٹی آ سم کاری کریر، ہرانا سوب آن پولیس ورندی کارروائی کرے۔ اسہ ایلو آ سم کاری ٹی نصراللہ قوم جتوئی سکنہ ڈھاڈر حال سریاب روڈ زوال مس‘ وخت اس کہ اسداللہ قوم راہیجہ و ثناء اللہ قوم جتوئی ساکن ڈھاڈر، ٹھپی حالیت اٹی دزگیرکننگار۔ پولیس نا رداٹ دزگیر دوبہ دار آک سریاب نا چندی تھانہ غاتا دنگ اٹی راہزنی نا چندی واردات آتیٹی اوار ئسر۔ کارروائی ٹی دوبہ دار آتیان پلوک 11 موبائل، اسہ ٹی ٹی پشٹول وواردات آتیٹی کاریم اٹ اتوک اسہ دُزوک ءُ موٹرسائیکل اس ہم دوئی کریر۔ پولیس ٹھپی دوبہ دار آتے ہسپتال آ گدریفے۔ وخت اس کہ اسہ دوبہ دار نصراللہ درمان اٹی سول ہسپتال اٹی زوال مس۔ پولیس کمامدارآک پارینو کہ دزگیر دوبہ دار آتیان پین اہم پت پاش مننگ نا گمان ءِ۔ کیچی بیگ پولیس واقعہ نا مقدمہ ءِ درج کرسا مستی جاست وپاست نا بناءِ کرینے۔