گوازی راج اٹی مثبت سوچ انا مونی دننگ کن اہم ءِ، عطاء تارڑ
اگہ اسپورٹس جرنلسٹس ءِ پجار اس تننگے تو دا بشخ اٹی ورنا و پوسکن بروک آ صحافی تیکن پین تحریک نا کسر پیش تمک
Get real time updates directly on you device, subscribe now.
بنجائی وزیرحوالکاری و شینکاری عطاء اللہ تارڑ پارینے کہ گوازی راج اٹی مثبت سوچ انا مونی دننگ و اسپورٹس مین سپرٹ ءِ شون تننگ اٹ اہم ءُ کڑد اس ادا کیک، اسپورٹس جرنلسٹس گوازی تا سرجز آتے زموارانہ و کسبی وڑاٹ الس اسکان سرکننگ اٹ اہم کڑد ادا کننگ ءِ، اوفتا راجی آسودہی، گچینی و اسپورٹس جرنلزم نا مون آ دننگ کن تروک آ سلاہ تیا حکومتی کہول آ ہر وڑ اٹ عملدرآمد کننگک۔ پنچ شنبے نادے آ ہندی ہوٹل اٹی“ورلڈ اسپورٹس جرنلسٹس ڈے 2026”نا وخت آ اڈ ہلوک دود و راولپنڈی اسلام آباد اسپورٹس جرنلسٹس ایسوسی ایشن (رسجا) نا پوسکن گچین مروک آ عہدیدار آتا سوغندی دود آن تران کرسا بنجائی وزیرحوالکاری پارے کہ اسپورٹس کنے بھاز دوست ءِ، کنا وژن ئس کہ اگہ اسپورٹس جرنلسٹس ءِ درست تننگے تو دا بشخ اٹی ورنا و پوسکن بروک آ صحافی تیکن پین ہیلکاری و تحریک اس پین سلپک۔ اوپارے کہ دا اسہ خواری کروک بشخ اسے ہراٹی فیلڈ رپورٹنگ ہم کروئی مریک و غٹ سرجز آتا باقاعدہ وڑاٹ ریکارڈ ہم تخوئی مریک۔ اوپارے کہ صحافی تا است بڈی کن اسپورٹس جرنلسٹس ایوارڈ اہم ءِ۔ دا ہیت خوشی نا سوب ءِ کہ ساڑی دور اٹی صحافی محی شاہ ءِ تمغہ امتیاز تننگا، دا شرف مچ آ پاکستان نا اسپورٹس جرنلسٹس کن گمر نا سوب ءِ۔ اوسپورٹس جرنلزم نا مون آدننگ کن اسہ کمیٹی اس جوڑ کننگ نا گرج آ زور شاغا۔ بنجائی وزیرپارے کہ اسپورٹس جرنلسٹس نا راجی آسودہی، اوفتا گچینی و اسپورٹس جرنلزم نا مونی دننگ کن انت کہ سلاہ اس تننگک، اوفتیاحکومتی کہول آ عملدرآمد کننگک۔ بنجائی وزیر پارے کہ پی ٹی وی اسپورٹس پاکستان نا اسٹ انگا چینل ءِ ہرا فیفا ورلڈ کپ ءِ دراست نشان تننگ ءِ، دا گام ورناتے حوصلہ تننگ و جان جوڑ سرجز آتیکن مون آ دننگ کن ہرفنگانے۔ اوصحافی تے باوری کرفے کہ اسپورٹس جرنلزم نا بابت انت کہ سلاہ اس تننگک اونا پورو کوشست مریک کہ اوڑا عملدرآمد کننگے، اسپورٹس جرنلزم نا مونی دننگ نا بابت صحافی اودے مدام تینے آن اسہ گام اس مون آ خنرہ۔ داوخت آ بنجائی وزیر حوالکاری راولپنڈی اسلام آباد اسپورٹس جرنلسٹس ایسوسی ایشن (رسجا) نا پوسکن گچین مروک آ عہدیدار آتیان سوغند ہلک۔ رسجا نا پوسکن گچین مروک آ باڈی بروک آ مداکن تینا زمواری تے باضابطہ وڑاٹ سنبھالا۔ بنجائی وزیر حوالکاری پوسکن گچین مروک آ عہدیدار آتے مبارکبادی ہم تس۔ اوکان پد ورلڈ اسپورٹس جرنلسٹس ڈے انا بابت بنجائی وزیر حوالکاری کیک اس ہم کاٹ کرے۔ داکان مست سینئر اسپورٹس جرنلسٹس محی شاہ بنجائی وزیر حوالکاری ءِ بخیرکرسا پارے کہ تدوک آ 40 سال آن رسجا داجہانی دے انا وخت آ خصوصی دود اڈ ترسا بسنے۔ او اسپورٹس جرنلسٹس نا وڑاٹ تمغہ امتیازتننگ آ حکومت پاکستان نا منت واری ءِ ہرفے۔