ڈی آئی جی پولیس رخشان رینج انا پوریاگر تتون مذاکرات، خاران اٹی ہڑتال ختم
Get real time updates directly on you device, subscribe now.
ڈی آئی جی پولیس رخشان رینج عبدالحئی بلوچ انجمن تاجران خاران نا شاہوانی چوک آ دھرنا تروک ہند آبس و سرسہب مذاکرات کرسا شٹر ڈاؤن ہڑتال ءِ مدامگی وڑاٹ ایسر کرفے۔ دا وخت آ انجمن تاجران خاران نا صدر شیخ منیر احمد و ایلو عہدیدار و پوریاگر آک بھلو کچ اسے ٹی ساڑی ئسر۔ شیخ منیر احمد پوریاگر تا کماشی ءِ کرسا پارے کہ پوریاگر و واپاری بندغ آک ہڑدے نا دُزی و داڑیلی نا واقعہ غاتیان بھاز زہمی مسنو۔ شٹر ڈاؤن ہڑتال شوق آن آخا بلکہ بیوسی نا سوب آن کرین۔ شار اٹی دُزی و داڑیلی نا واقعہ غاتے ٹی ودکی آن الس و پوریاگر آتا جان و مال انا رکھ بے رکھی نا گواچی مسنے۔ اگہ دُزی و داڑیلی ٹی اوار دوبہ دار آتے دزگیر کننگ متو تو خاران نا کل پوریاگر آک سخت برانز کرسا پولیس تھانہ نا مون آ دھرنا ایترہ۔ دا وخت آ ڈی آئی جی پولیس رخشان رینج عبدالحئی بلوچ باور کرفے کہ پوریاگر آتا رکھ ءِ پک کننگ کن ساڑی کل وسیلہ غاتے کاریم اٹ اتنگک و دا کوشست مریک کہ زُوت آن زُوت دُزی و داڑیلی نا زموار دوبہ دار آتے دزگیر کرسا اوفتا ایسر اسکان سر کننگے۔ پولیس فورس تینا مچ آ واک ءِ کاریم اٹ اتسا خاران ءِ امن نا ہند اس جوڑ کرسا الس و پوریاگر آتا رکھ اکن تینا پبی کڑدار ءِ ادا کیک۔ الس پولیس تون کمک کے تانکہ ڈوہدار آتا برخلاف وخت آ کارروائی مننگ کے۔ اونا خواست آ انجمن تاجران خاران شٹر ڈاؤن ہڑتال ءِ چٹفے۔