خاران، رائیز پروگرام نا رِد اٹ گرانٹ بشخنگ نا دود
Get real time updates directly on you device, subscribe now.
حکومت بلوچستان نا رائیز پروگرام نا رِد اٹ بی آر ایس پی نا کنڈ آن کٹیا ودی کروک آ گرانٹس (مالی کمک) بشخ و پانٹ کننگ نا بابت اسہ دود اس اڈ تننگا، ہرانا مسخت حقدار بندغ آتے روزگار نا پوسکن ءُ وارخواہی ودی کرسا اوفتا زرگزرانی کمک ءِ کننگ ءِ۔ دا پروگرام نا رِد اٹ 40 خاہوت آتیٹی پرچون دکان نا گڑا وخت اس کہ پین 40 خاہوت آتیٹی پین گڑا بشخنگا تانکہ حقدار خاہوت آتے روزگار کن زرگزرانی سیبو رسینگے و او راج انا بشخ جوڑ مریر۔ دود انا خاص انگا مہمان ایڈیشنل ڈپٹی کمشنر خاران عمر جمالی ئس۔ او دود آن تران کرسا پارے کہ بی آر ایس پی سیاست آن چَپ و پیدوار وڑ اٹ غریب بندغ آتے دا گرانٹ کن گچین کرینے ہرا ستا کڑزوک ءُ گام اسے‘ سول ایڈمنسٹریشن نا کنڈ آن ننا مدام کمک بی آر ایس پی تون مریک‘ دود آن ڈسٹرکٹ نیٹ ورک نا صدر مقبول بلوچ، جنرل سیکرٹری سفر خان راسکوئی و بی آر ایس پی نا ضلعی عہدیدار آک ہم تران کریر۔