ڈپٹی کمشنر کوئٹہ نا یتیم خانہ نا دورہ، چناتیٹی گوازی تا گڑا بشخا

ڈپٹی کمشنر کوئٹہ مہراللہ بادینی دارالفلاح یتیم خانہ کوئٹہ نا دورہ ءِ کرے، ہراڑے او چوری چناتتون اوڑدہی کرے، اوفتے تون وخت گدریفے و اوفتا طب انا اَرفے۔ داوخت آ ڈپٹی کمشنر کوئٹہ دارالفلاح نا غٹ چناتیٹی گوازی تا گڑا، کرکٹ کٹس، فٹبال، بیڈمنٹن سیٹ، بوٹ، اسپورٹس یونیفارم و ایلو المی گڑا بشخا تانکہ چناتے ٹی جان جوڑ سرجز و گوازی تا مون آ دننگ نا است بڈی ءِ کننگ مرے۔ ڈپٹی کمشنر مہراللہ بادینی ہر چناتون جتا جتا وڑاٹ گپ وتران کرے، اوفتا تعلیم، جان جوڑی و آخبت نا عزم انا بارواٹی اَرفے و اوفتا است بڈی ءِ کرسا پارے کہ دا چناک قوم انا نہادی میرات ءُ۔ اوداعزم انا درشانی ءِ کرے کہ ضلعی انتظامیہ چوری چناتا راجی آسودہی، تعلیم و گچین آخبت کن ہر وڑ انا کمکاری ءِ برجاتخک۔