پاک فو ج ملک انااہم تمبہ نا وڑ کڑد سر تننگ ءِ‘چینی وزیر خارجہ
پاکستانی فوج تینا کڑدار ءِ ادا کرسا پاکستان نا تہہ انا سوگوی ءِ برجا تخک و پاک چین ہم نصب راج انا اسیجائی جوڑجاڑی کن مستی کاریم کیک
Get real time updates directly on you device, subscribe now.
بیجنگ : چین نا ریاستی کونسلر و وزیر خارجہ چھن گانگ تون پاکستان نا چیئرمین جوائنٹ چیفس آف اسٹاف جنرل ساحر شمشاد مرزا بیجنگ اٹ اوڑدہی کرے‘ چینی میڈیا نا رد اٹ چھن گانگ پارینے کہ پاکستانی فوج ملک انا اہم انگا تمہ نا وڑ تینا کڑدار ءِ سر تننگ اٹی ءِ و چین پاک سنگتی نا رکھ و اودے وشون تننگ اٹی ءِ‘ او اومیت درشان کرے کہ پاکستانی فوج تینا کڑدار ءِ ادا کرسا پاکستان نا تہہ انا سوگوی ءِ برجا تخک و پاک چین ہم نصب راج انا اسیجائی جوڑجاڑی کن مستی کاریم کیک۔ داوخت آ چھین گانگ پاکستان اٹ چینی کارندہ غاتا رکھ ءِ پک کننگ نابابت پاکستانی فوج انا منت ءِ ہم ہرفے۔ پاکستان نا چیئرمین جوائنٹ چیفس آف اسٹاف جنرل ساحر شمشاد مرزا پارے کہ پاک چین تعلقداریک سودریاب آن کڑمب‘ مش تیان بڑزا‘ شاد آن ہنین و فولاد آن زیات سوگو ءِ۔ پاکستانی فوج چین پاکستان اقتصادی راہداری نا تفنگ و ”بیلٹ اینڈ روڈ“ انا اسیجائی تفنگ تون اوار کل تین پہ تینی کمک ءِ پک کننگ کن ہر وڑ انا کوشست ءِ برجا تخک۔
(آن لائن)