اسہ کمانڈر اسے نا وڑاٹ تینا افسر تتون ہر ساعت اٹ سلوک اُٹ‘ ڈی آئی نصیر آباد رینج

باباکوٹ: ڈی آئی جی پولیس نصیر آباد منیر احمد شیخ نا کماشی ٹی پرموشن کمیٹی نا دیوان مس۔ دیوان اٹ ایلو باسک آتیان ایس ایس پی نصیر آبادمیر حسین احمد لہڑی، ایس ایس پی جعفرآبادسردار حسن خان موسی خیل، اے ڈی آئی جی پولیس امیر جان مگسی، آفس سپرنٹنڈنٹ عبدالرحیم ساسولی و پرویز احمد مگسی اسک بشخ ہلکر۔ پروموشن کمیٹی رینج انا 12اسسٹنٹ سب انسپکٹر ءِ سب انسپکٹر وخت اس کہ 02جونیئر کلرک آتے سینیئر کلرک نا عہدہ غا ترقی تننگ نا فیصلہ کرے۔ او وخت آ ڈی آئی جی پولیس نصیر آباد منیر احمد شیخ افسر تیان تران اٹ پارینے کہ بحیثیت اسہ کمانڈر ہر ساعت اٹ نمتون اوار اُن۔ ظالم نظام نا ایسری ٹی اسل تینے نزور تکپس۔ غریب مسکین و بے سہارا سائل آتیا خاص سجفنگے۔ اونا ویل آتے جوان بنداو آ ایسر کے۔ ہچ ءُ سائل اسے ہروڑ نا سفارش نا گرج اف۔ جاست و پاست ہر وخت راستکی تا بنداو آ کے۔ انصاف نا دامن ءِ اسل دو آن ہلنگ کن ہلیپنہ۔ اینو تینا بندغ آتے شونداری ہم ہندا غریب آ بندغ آتا دعا نا سوب آن رسینگک۔ کنے بھاز خوشی مریک کہ کنا ایلم تا ترقی مرے۔

(آن لائن)