نن سیاسی بندغ اُن و سیاست و جمہوریت آ پت کینہ‘ زرک مندوخیل

کوئٹہ، پاکستان مسلم لیگ (ن) نا صوبائی اسمبلی نا باسک زرک خان مندوخیل پارینے کہ نن سیاسی بندغ اُن و سیاست و جمہوریت آ پت کینہ و نن اسُل السی حکومت نا چٹفنگ ءِ خواپنہ ولے خیبرپختونخوا ٹی پی ٹی آئی اسہ فتنہ اس جوڑ مسوسس ہراڑان الس و ریاست تون اوار ادارہ غاتے گڑتی مون تروک ئس‘ دا ہیت آتے او خیبرپختونخوا ٹی ایمرجنسی نا نفاذ و پی ٹی آئی حکومت نا چٹفنگ نا خوشی ٹی اڈ تروک ریلی نا شریدار آتیان تران کرسا کرے۔ او پارے کہ نن سیاسی بندغ اُن و سیاست آ پت کینہ انتئے کہ صوبہ غاتا زمواری ءِ کہ امن و امان نا بحالی و بنجا تون کمک کرسا دہشت گردی نا چٹفنگ ءِ پک کرسا صوبہ و ملک انا سلامتی ءِ برجا تخسا سوگو پاکستان ءِ پک کیر۔