تعلیم نا کمک اٹ ننا ورنا چین سرسہبی دوئی کیک‘ شاہنواز خان کنرانی

نصیر آباد : ریجنل محتسب اعلی نصیرآباد شاہنواز خان کنرانی سمارٹ اسکول ڈیرہ اللہ یار نا دورہ ءِ کرے۔ سکول اٹ برجا انگا تدریسی کاریم نا جاچ ءِ ہلک۔ تعلیمی آب و سکول نا سفائی نا کاریم آ اُست خواہی نا درشانی ءِ کرے۔ دورہ نا وخت آ او سکول اٹ پل اس ہم خلک۔ او وخت آ سکول نا چیئرمین میر نصراللہ خان رند ہم ساڑی ئس۔ ریجنل محتسب اعلی شاہنواز خان کنرانی اسٹ اسٹ آ کل کلاس آتا جاچ ءِ ہلک۔ او وخت آ ہیت وگپ کرسا ڈویڑنل محتسب پارینے کہ اسکول اٹ جوان تعلیمی چاگڑد ءِ خنسا بھاز خوشی مسنے۔ درسگاہک ننا چناتا جوان آخبت نا ضامن مریرہ۔ انتئے کہ تعلیم نا سوب آن نن شونداری و سرسہبی دوئی کینہ۔ چناتا جوان آخبت ءِ جوان کننگ کن ننے کل ءِ عملی وڑاٹ گام گیج کروئی مریک تانکہ ننا ورنا چین خوانسا جوان کڑد ادا کیر۔

(خ ن)