جاپانی سفیر اکاماٹسو شوئیچی نا ڈاکٹر خالد مقبول صدیقی و فیروز شاہ تون اوڑدہی
Get real time updates directly on you device, subscribe now.
کوئٹہ، بنجائی وزیر تعلیم و کسبی ہیلکاری ڈاکٹر خالد مقبول صدیقی و بورڈ آف انویسٹمنٹ نا سلاہکار سید فیروز شاہ تون پاکستان اٹی تعینات جاپانی سفیر اکاماٹسو شوئیچی اوڑدہی کرے۔ داوخت آ بنجائی وزارت تعلیم و کسبی ہیلکاری نا رد اٹ کاریم کروک ادارہ پاکستان ایجوکیشن انڈومنٹ فنڈ انا چیف ایگزیکٹو آفیسر سیدہ ہاجرہ سہیل، جاپانی سفارتخانہ نا فرسٹ سیکرٹری، ثقافت و پبلک انفارمیشن سیکشن نا سروک تاکاکو ساتو و ڈپٹی ہیڈ آف پبلک افیئرز یاوکاموتو ہم ساڑی ئس۔ اوڑدہی ٹی تعلیم، کسبی ہیلکاری، زرکاری و پاکستان و جاپان نا تین پہ تینی تعلقداری تا شون تننگ‘ پاکستان و جاپان نا نیام اٹ ہیومن ریسورس نا ہن وبر نا شون تننگ‘ ڈیجیٹل بدلی ٹی جاپان نا آزموندہ غاتیان فائدہ ہرفنگ، واپاری‘ موسمیاتی بدلی، توانائی و الس نا نیام اٹی رابطہ غاتا بشخ آتیٹی کمکاری ءِ ودفنگ نا پورو لائخی تیا گپ وتران کننگا۔