غیر حاضر آ ملازم و ڈاکٹر آک ہچ ءُ رعایت اسے نا حقدار افس‘ ڈی سی جھل مگسی
Get real time updates directly on you device, subscribe now.
جھل مگسی : ڈپٹی کمشنر جھل مگسی فلائیٹ لیفٹیننٹ (ر) یاسر حسین نا کماشی ٹی ڈسٹرکٹ ہیلتھ کمیٹی نا دیوان اڈ ہلک۔ دیوان اٹ ضلعی ناظم صحت ڈاکٹر رخسانہ مگسی، ڈی ایس ایم پی پی ایچ آئی تنویر احمد بلیدی و ایلو باسک آک بشخ ہلکر۔ ضلعی ناظم صحت ڈاکٹر رخسانہ مگسی ضلع ٹی جاری میڈیکل کیمپس، ایمبولینس آتا کمتی و ایلو دوئی آ ویل آتا بابت جوان بریفنگ تس۔ ڈپٹی کمشنر جھل مگسی فلائیٹ لیفٹیننٹ (ر) یاسر حسین کل ویل آتا ایسری کن گام گیج نا پارت ءِ کرے۔ ڈپٹی کمشنر پارینے کہ کل پیرامیڈیکل اسٹاف و ڈاکٹر آتا زمواری مریک کہ اوفک اُلس نا طبی آسراتی تا فراوانی ٹی جوان کڑد ادا کرے۔ غیر حاضر ملازم و ڈاکٹر ہچ ءُ رعایت اسے نا حقدار اف۔ اوفتا برخلاف کارروائی تون اوار اوار تنخواہ تا کٹوتی نا کاریم ءِ پک کننگے۔ جانجوڑ راج انا جوڑی ٹی ہچ ءُ ڈیوالئی اسے سگپنہ۔
(خ ن)