رمضان پیکیج، غریب اُرا تے مفت نُت تننگ نا منظوری
وزیراعظم شہباز شریف نا غریب الس ءِ کبینی آن بچفنگ کن رمضان پیکیج نا بابت بھاز بھلو فیصلہ اس کننگانے
Get real time updates directly on you device, subscribe now.
اسلام آباد : وزیراعظم ناکماشی ٹی پنجاب اٹ رمضان پیکیج نارد اٹ مفت نت تننگ نا بابت جاچ دیوان اڈہلک‘ دیوان اٹ رمضان پیکیج نارداٹ غریب آتے مفت نت تننگ نا منظوری تننگا‘ اولیکو اوار غریب آتے مفت نت تننگ نا دا تینا وڑ انا اولیکو پیکیج ءِ۔۔ چیف سیکرٹری پنجاب زاہد اختر زمان و سیکرٹری خزانہ مجاہد شیر دل رمضان پیکیج نا بابت وزیراعظم ءِ بریفنگ تسر‘ دیوان اٹ نگران وزیراعلی پنجاب سید محسن رضا نقوی تون اوار سیکرٹری فوڈ وایلو بڑزکو کمامدار آک ہم ساڑی ئسر۔ وزیراعظم ناکماشی ٹی اڈہلوک دیوان اٹ فیصلہ کننگا کہ اولیکو ریسہ ٹی صوبہ پنجاب اٹ غریب انگا بندغ آتے خصوصی رمضان پیکیج نا رد اٹ نت مفت تننگک۔ وزیراعظم غریب آتے رمضان پیکیج نارد اٹ نت تننگ نا جم حکمت عملی ءِ زوت پورو کننگ ناپرمان کرسا پارے کہ روچہ ٹی غریب آتے زیات آن زیات ریلیف تننگے۔ وزیراعظم پارے کہ پنجاب نا وڑ اٹ مچ آ ملک اٹ رمضان پیکیج نا رد اٹ غریب آتے نت تننگ کن بنجا صوبہ غاتتون ہر وڑ انا کمک کیک‘ غریب آتے نت تننگ نا تینا وڑ انا دا اولیکو پیکیج ءِ۔ وزیراعظم نا خصوصی پرمان آ نت مفت تننگ نا پیکیج ءِ تیار کننگا۔
(آن لائن)