بنچ آک ہندن پنسا کریر تو ادارہ نا ساخت چٹک، عطاء تارڑ

اسلام آباد: وزیراعظم نا خصوصی کمکار عطا تارڑ پارینے کہ اگہ بنچ آک ہندن پنسا ہنار تو ادارہ نا ساخت چٹک‘ وڑک سجاد علی شاہ ٹو ناکنڈ آہننگ اٹی ءُ‘ اِرا تارڑ آئین نا شرف اکن جک سلوک اریر‘ جمعہ نا دے سپریم کورٹ ناپیشن آ میڈیا تون ہیت وگپ کرسا عطاء تارڑ پارے کہ بنچ آ وکیل آتا گڑتیک ئسر بنچ ٹہیفنگ آن پد اعتراض کننگا‘ سماعت آن مست سرکلر نا کمک اٹ ججز جے آرڈر نا نفی غلط ءِ‘ اگہ بنچ آک ہندن پنسار ہنار تو ادارہ نا ساخت چٹک‘ اگہ ہندن فیصلہ غاک مسر تو ادارہ نا کرکڈیبلیٹی ہرانگ کاہک۔ چیف جسٹس کل جج آتے تولفے فل بنچ ٹہیفنگے‘ قوم دا ون مین شو ءِ امنا کپک‘ کل کرائسس آتا فیصلہ بایدے سلابت اٹ کننگے‘ اوپارے کہ مندوخیل پنوک آ است اٹ پارے کہ اللہ تعالیٰ دا ادارہ نا رکھ ءِ کے‘ سرکلر نا رواج ءِ اولیکو وار خنانن‘ قوم مہالو آن ویل آتے ٹی مین ہنانے‘ اوار تولنگے و ویل آتے ایسر کننگے‘ فل کورٹ ٹہیفنگ داسہ المی مسنے‘ اگہ فل کورٹ جوڑ کننگتو تو دا باندات پین خراب مریک‘ نن سپریم کورٹ نا بقانا بحالی ءِ خوانہ‘ ملک اٹ اسہ آئینی تنکی اس ودی مسنے‘ اِرا تارڑ آئین نا شرف اکن جک سلوک ءُ‘ اینو وڑک سجاد علی شاہ ٹو نا کنڈ آ ہننگ اٹی ءُ‘اوپارے کہ نن سیاسی ہیت وگپ آن وخت اس ہم نمن متنن‘ اقلیتی فیصلہ غاتیان تنکی پین ودک‘ سیاست دان تے ٹی اگہ میچورٹی مرے تو اپوزیشن نا سنگت آک بایدے دا چاگڑد ءِ جوڑ کپروسر‘ ہندن ءُ فیصلہ مرے ہراڑان سیاسی آخبت ءِ ہم فائدہ مرے۔

(آن لائن)