پنجاب، کے پی کے گچین کاری کیس، چار باسکی بنچ اولیکو دے پنا
Get real time updates directly on you device, subscribe now.
اسلام آباد: سپریم کورٹ اٹ چیف جسٹس آف پاکستان نا کنڈآن پنجاب/خیبر پختونخواہ گچین کاری تا برخلاف دائر کروک پی ٹی آئی نا درخواست ءِ سماعت کن پک کننگا چار باسکی پوسکن آ بنچ تینا اولیکو سماعت آ پنا‘ جمعہ نا دے باندات نا سماعت کن چیف جسٹس آف پاکستان نا کماشی ٹی چار باسکی بنچ باندات ناسماعت کن ہندن کہ کورٹ روم اٹ بس تو جسٹس جمال خان مندوخیل اعتراض کرے کہ تدوک آدے انا سماعت نا آرڈر نئے کورٹ روم اٹ نوشتہ کننگا و نئے کن تون دا بابت سلاہ کننگانے۔ ای تینے دا بنچ اٹ مس فٹ تکوہ۔ جسٹس جمال خان مندوخیل پارے کہ جسٹس امین الدین خان نا فیصلہ غان گڈ پرمان نا انتظار ئس‘ کنے عدالتی پرمان دَرو اراٹی رسینگا۔ اٹارنی جنرل صاحب نی پرمان ءِ خوان بنف‘ اٹارنی جنرل جسٹس جمال مندوخیل ناپرمان ءِ خوانا بنفے‘ دا وخت آ جمال خان مندوخیل مستی بنچ انا بشخ مننگ آن بشخنداری کرے۔ عدالت شرفدار جج انا بشخنداری آن پد برخاست مسنے۔
(آن لائن)