پی ٹی آئی راہشون تا عبوری ضمانت اٹی 13 اپریل اسکان ودکی
Get real time updates directly on you device, subscribe now.
لاہور: لاہور نا سیشن عدالت زمان پارک اٹی پی ٹی آئی نا باسک علی بلال عرف ظل شاہ نا خون نا وخت آ ہڑدڑ، پولیس آ بیدادی، جلاؤ گھیراؤ نا دوبہ ٹی نوشتہ مقدمہ ٹی پی ٹی آئی راہشون فواد چوہدری، فرخ حبیب، ڈاکٹر یاسمین راشد و میاں محمود الرشید ناعبوری ضمانت اٹی 13 اپریل اسکان ودکی کرے۔ عدالت ظل شاہ ءِ ہسپتال آ اتوک آ ویگوڈ الے نا ملک شکیل زمان نا ہم 30 ہزار روپئی نا مچلکہ غاتا عوض 13 اپریل اسکان عبوری ضمانت ءِ منظور کرے۔ ایڈیشنل سیشن جج لاہور محسن بلال بیگ پی ٹی آئی راہشون تا عبوری ضمانت نا درخواست آتیا سماعت کرے۔ جمعہ نا دے آ سماعت آ ڈاکٹر یاسمین راشد و میاں محمود الرشید تینا عبوری ضمانت نا معیاد چٹنگ آ عدالت اٹ پیش مسر و تینا حاضری ءِ خلفیر وخت اس کہ فواد چوہدری و فرخ حبیب نا کنڈآن اسہ دے انا حاضری معافی نا درخواست جمع کرفنگا۔ ہرادے عدالت منظور کرسا بروک آ سماعت آ پیش مننگ نا پرمان کرے۔ عدالت کیس انا مستی سماعت ءِ پدبٹسا پی ٹی آئی راہشون تا عبوری ضمانت اٹی 13 اپریل اسکان ودکی نا پرمان جاری کرے۔
(اے پی پی)