حج درخواست ہلنگ نا وخت اٹی ہفتہ اس ودکی نا فیصلہ
Get real time updates directly on you device, subscribe now.
اسلام آباد: وزارت مذہبی امور سپانسر شپ اسکیم نا رداٹ حج درخواست آتا ہلنگ کن اسہ ہفتہ وخت اس کہ ریگولر حج اسکیم کن 2 اپریل اسکان ودکی نا فیصلہ کرینے۔ قومی بینک ہفتہ و یک شنبے آ ہم حج درخواست آتا ہلنگءِ برجاتخک۔ وزارت مذہبی امور نا ترجمان نا رداٹ ودکی نا فیصلہ پیشن نا ملک رہینگوک پاکستانی تے زر گدریفنگ اٹ مشکل آتے مون آ تخسا کننگانے۔ سمندر پار پاکستانی بروک آ ہفتہ 9 اپریل اسکان سپانسر شپ حج اسکیم اٹ زرگدریفنگ کیرہ۔ دا زر آتے وزارت مذہبی امور نا ڈالر اکاؤنٹ اٹی بذریعہ ٹی ٹی یا وائر ٹرانسفر گدریفوئی مریک۔ مون تروک آ زر ءِ پک و پراسیس کن درخواست گزار یا قریبی عزیز بینک اتون رابطہ تخر۔ سپانسر شپ اسکیم نا درخواست گزار تے بیدس قرعہ اندازی نا سرسہب گوندنگک۔ خواہش مند حج درخواست گزار پین معلومداری کن پندار بینک آتون رجوع کیر۔ وزارت مذہبی امور ریگولر حج درخواست آتا ہلنگ اٹی ہم 2 اپریل اسکان ودکی کرینے۔
(اے پی پی)