وزیراعظم کیوریٹیوریویوریفرنس ءِ پدی ہلنگ ناپرمان کرے

ریفرنس مسکوہی وزیراعظم نا بیر ہلوک کارروائی، عدلیہ نا آجوئی آ ادراک نا جلہو، بشخ و بانٹ کننگ نا سازش اس ئس

0

Get real time updates directly on you device, subscribe now.

اسلام آباد: وزیراعظم محمد شہباز شریف سپریم کورٹ نا سینئر انگا جسٹس قاضی فائز عیسیٰ نابرخلاف ریفرنس ءِ مسکوہی وزیراعظم نا بیر ہلوک کارروائی، عدلیہ نا آجوئی آ ادراک و اوفتے بشخ و بانٹ کننگ نا ناپاک سازش گوندسا کیوریٹیو ریویو ریفرنس ءِ پدی ہلنگ نا پرمان کرینے۔ پنچ شنبے نادے آ وزیراعظم آفس نا میڈیا ونگ انا کنڈآن جاری بیان اٹی پاننگانے کہ کیوریٹیوریویوریفرنس نزور و بے بنداو سوب آتیا دائر مسوسس، ہنداسوب آن حکومت اونا پیروی ءِ کپننگ نا فیصلہ کرینے۔ وزیراعظم نا کماشی ٹی کابینہ مہالوآن دا فیصلہ نا منظوری ءِ تسنے۔ بیان نا رداٹ وزیراعظم وزیر کانود سینیٹر اعظم نذیر تارڑ ءِ جسٹس قاضی فائز عیسیٰ نا برخلاف کیوریٹیوریویوریفرنس ءِ پدی ہلنگ نا پارت کرینے۔ وزیراعظم محمد شہباز شریف پارے کہ ریفرنس نا پن آ جسٹس قاضی فائز عیسیٰ و اونا خاہوت ءِ زیزار و بدنام کننگا۔ دا ر یفرنس الوکہ، آئین و کانود نا کسر آ چلینگوک آ اسہ منصف مزاج جج اسے نا برخلاف اسہ منتقم مزاج بندغ اس عمران نیازی نا انتقامی کارروائی و عدلیہ نا آجوئی آ شب خون و اوفتے بشخنگ ناناپاک سازش ئسک۔ وزیراعظم پارے کہ پاکستان مسلم لیگ (ن) و سیوتی جماعت آک اپوزیشن نا دور اٹی ہم دا دروغ انا ریفرنس نا مذمت ءِ کریسر۔ عمران نیازی صدر نا آئینی منصب نا دا مجرمانہ فعل کن ناروا کاریم اٹ ایس۔ وزیراعظم پارے کہ صدر ڈاکٹر عارف علوی عدلیہ آ جلہونا ڈوہ ٹی آلہ کار و اسہ دروغ اسے نا حصہ دار مس۔ پاکستان بار کونسل تون اوار وکیل تنظیمک ہم دانا مخالفت ءِ کریسر، اوفتا سلاہ نا قدر ءِ کینہ۔

(اے پی پی)

Get real time updates directly on you device, subscribe now.

Leave A Reply

Your email address will not be published.