زرگزران قول کن تیار اُن، السی فائدہ غاتیا سیاست مف، اسحاق ڈار

تدوک آ 5 سال اٹی فراڈ پالیسی و نابودی تا سوب آن دا زرگزرانی حالیت آک ءُ،بنجائی وزیر خزانہ و محصولات

0

Get real time updates directly on you device, subscribe now.

اسلام آباد: بنجائی وزیر خزانہ و محصولات سینیٹر محمد اسحاق ڈار اسہ وار ولدا میثاق معیشت نا سلہ ءِ خلسا پارینے کہ زرگزران آ بایدے سیاست مف، زرگزران قول کننگ کینہ، تدوک آ 5 سال اٹی فراڈ پالیسی و نابودی تا سوب آن دا زرگزرانی حالیت آک ءُ۔ پنچ شنبے نادے آ سینیٹ نا دیوان اٹی سینیٹر محسن عزیز و وسینیٹر فیصل جاوید نا سوج انا ورندی ٹی اوپارے کہ 2017 نا مردم شماری آ بھلو خڑچ اس بس، بھلا خڑچ آن پد ہم اوڑا سنجیدہ گڑتی ئسک ہرافتا سوب 2018 نا گچین کاری تیٹی ویل ئسک۔ 1973 نا آئین نا رداٹ دا مردم شماری ءِ۔ اوپارے کہ نادرا نا کمک اٹ پوسکن آ نظام نا رداٹ بچت کننگ مریک۔ اگہ داڑکن کانود اٹی ترمیم نا گرج ءِ تو دا کننگ مریک۔ وزیرخزانہ پارے کہ داسہ دا باندات سپریم کورٹ اٹی زیر سماعت ءِ کہ اِرا صوبائی اسمبلی تا گچین کاری متکن آ مردم شماری آ مریر یا آخا اگہ دا گچین کاریک مریرہ تو اکتوبر اٹی لس گچین کاری تیٹی انت حالیت مریک۔ ساڑی حکومت جہانی کہول آ ہچ ءُ قول اسے پرغتنے، غٹ ادائیگی تے وخت آ کننگانے۔ مسکوہی حکومت جہانی کہول آ معاہدہ ءِ پرغا ہرانا بھرم تے کُننگ اُن۔ چین نا بینک آک تینا قرضہ رول اوور کرینو۔ مشکل آن پد ہم زرمبادلہ نا کوڑی تیٹی ودکی مننگ ءِ، زرمبادلہ نا کوڑی 1 ارب ڈالرآن زیات ءُ۔ اوپارے کہ جون اسکان زرمبادلہ نا کوڑی تے 13 ارب ڈالر اسکان دننگ نا کوشست کننگ اُن۔ شرح سود اٹی کمتی کن کوشست کننگ اُن۔ زرگزران آ بایدے سیاست مف، میثاق معیشت کننگ کینہ، دا قوم انا آخبت نا باندات ءِ۔ داٹی ہچ ءُ شک اس اف کہ ملک اٹی کبینی ءِ۔ کبینی تون اوار ایلو ویل آک اسہ ایلو تون گنڈوک ءُ۔ تدوک آ 5 سال اٹی فراڈ پالیسی و نابودی تا سوب دا زرگزرانی حالیت آک ءُ۔ اوپارے کہ ہندا ایوان اٹ اسٹیٹ بینک انا بابت ترمیم کننگانے، مالیاتی پالیسی آ حکومت نا ہچ ءُ عمل دخل اس اف۔

(اے پی پی)

Get real time updates directly on you device, subscribe now.

Leave A Reply

Your email address will not be published.