حکومت میڈیا تون تعلقداری تے بھاز اہمیت ایتک،وزیراعلیٰ بزنجو

کوئٹہ: وزیراعلیٰ بلوچستان میر عبدالقدوس بزنجو کوئٹہ پریس کلب نا گچین کاری تیٹی جرنلسٹ پینل ءِ سرسہبی دوئی کننگ آ مبارکبادی تسنے پوسکن گچین مروک آ صدر عبدالخالق رند، جنرل سیکرٹری بنارس خان و ایلو کابینہ و ایگزیکٹیو باسک آتا پن تینا اسہ تہنیتی کلہو اسے ٹی وزیراعلیٰ پارے کہ پریس کلب نا باسک آک پوسکن گچین مروک آ عہدیدار آتیا ہراپت انا درشانی ءِ کریر او اوڑا پورو سلنگ کن تینا گچین لائخی تے کاریم اٹ اتیرہ۔ وزیراعلیٰ پارے کہ صحافی برادری گچین کاری عمل اٹی ہرا جمہوری رویہ نا درشانی ءِ کرسا اسہ بے مٹ ءُ چاگڑد اسے ٹی تینا سلاہ ءِ کاریم اٹ ایسر او سفت کڑزک، وزیراعلیٰ پارے کہ ساڑی صوبائی حکومت میڈیا تون تینا تعلقداری تے بھاز اہمیت ایتک و عامل صحافی تا راجی آسراتی کن اسہ گام اس مون تینا کڑد ءِ ادا کننگ ءِ ہراٹی جرنلسٹ ویلفیئر فنڈ اٹی ودکی صحافی تا ہنکینی کالونی کن ڈغار و تعمیراتی فنڈ انا فراوانی و فرض انا ادائیگی ٹی جان تے ندر کروک آ شہید صحافی تا خاہوت آتا کمک کون آ گام اوار ءِ، وزیراعلیٰ پارے کہ صحافی تا ویلفیئر نا کاریم تیٹی گچین صحافی تنظیم تا سلابت اٹ پین ودفنگک۔ کالونی نا ڈغار نا بابت باندات آتے زوت آن زوت پک تننگک ہراڑکن سینئر ممبر بورڈ آف ریونیو کمشنر کوئٹہ و ڈپٹی کمشنر کوئٹہ دمدستی کارروائی نا پارت کننگانے۔ او جرنلسٹ ویلفیئر فنڈ اٹی پڑو کروک ودکی فنڈ انا دمدستی گدریفنگ نا ہم باوری کرفے۔ وزیراعلیٰ دا اومیت نا درشانی ءِ کرینے کہ پوسکن گچین مروک آ کابینہ صحافی برادری نا گچینی کن تیناکڑد ءِ ادا کرسا کیک حکومت آجوئی صحافت ءِ ہر حال اٹ پک کیک۔

(اے پی پی)