گچین کاریک پوسکن آ حلقہ بندی تا رداٹ مریرہ، بنجائی وزیر کانود

0

Get real time updates directly on you device, subscribe now.

اسلام آباد: بنجائی وزیر کانود انصاف سینیٹر اعظم نذیر تارڑ پارینے کہ مچ آ ملک اٹی اولیکو وار ڈیجیٹل مردم شماری مننگ ءِ ہرا 30 اپریل اسکان پورو مروئی ءِ، مردم شماری نا رداٹ بروک آ گچین کاری آئینی باندات ءِ اگہ گڈیکو مردم شماری مس تو گچین کاریک پوسکن آ حلقہ بندی تا رداٹ مریرہ۔ پنچ شنبینادے آ سینیٹ نا دیوان اٹی سینیٹر بہرہ مند تنگی و سینیٹر ہدایت اللہ نا سوج انا ورندی ٹی او پارے کہ 2017 ٹی مردم شماری آ بھلو اعتراض اس بس، 2018 نا گچین کاری تے کانودی حیثیت تننگ کن آرٹیکل 51 اٹی ترمیم کرسا اسہ وخت اکن پرویژنل مردم شماری کرفنگ نا موکل تننگا۔ ساڑی حکومت 2022-23نا مالی سال اٹی مردم شماری کن 35 ارب روپئی جتا کرے۔ مچ آملک اٹی اولیکو وار ڈیجیٹل مردم شماری مننگ اٹی ءِ۔ یکم مارچ آن مردم شماری برجاءِ ہراکہ 30 اپریل اسکان پورو مروئی ءِ۔ مردم شماری نا رداٹ بروک آ گچین کاری آئینی باندات ءِ اگہ گڈیکو مردم شماری مس تو گچین کاریک پوسکن آ حلقہ بندی تا رداٹ مریرہ۔

(اے پی پی)

Get real time updates directly on you device, subscribe now.

Leave A Reply

Your email address will not be published.