پولیس لائنز دھماکہ، وزیر اعظم و آرمی چیف پشاور ءِ سر مسر

ہڑتوم آک لیڈی ریڈنگ ہسپتال نا دورہ ءِ کریر، ٹھپی تا جان پڑسی ءِ کریر، دھماکہ نا بابت ہلہلہ ئی دیوان اس ہم بٹنگ انگا

0

Get real time updates directly on you device, subscribe now.

پشاور: پولیس لائنز نا مسیت اٹ خودکش دھماکہ غان پد وزیراعظم شہباز شریف و آرمی چیف جنرل عاصم منیر حالیت آتا جاچ ءِ ہلنگ کن پشاور ءِ سر مسر۔ بنجائی وزیر داخلہ رانا ثنا اللہ، وزیر دفاع خواجہ آصف و بنجائی حوالکاری وزیر مریم اورنگزیب اسک ہم وزیراعظم تون تُد ءُ۔ وزیراعظم شہباز شریف و آرمی چیف جنرل عاصم منیر لیڈی ریڈنگ ہسپتال نا دورہ ءِ کریر، و ٹھپی تا جانپڑسی ءِ کریر۔ پشاور دھماکہ غا ہلہلہ ئی دیوان اس ہم بٹنگار۔ حوالکاری وزیر مریم اورنگزیب پارے کہ دیوان اٹی واقعہ نا وڑ و پشاور دھماکہ نا بنائی جاست پاستی رپورٹ پیش کننگا۔ وزیراعظم ءِ دھماکہ نا بابت کل پلو آتا بابت بریفنگ تننگا۔ یات سلے کہ پشاور نا پولیس لائنز نا مسیت اٹ خودکش دھماکہ ٹی شہید مروک آ بندغ آتا کچ 45 آن گدرینگانے، وخت اس کہ ٹھپی مروک آتا کچ یک و نیم سد آن ہم زیات پاننگ انگ ءِ۔ ترجمان لیڈی ریڈنگ ہسپتال دھماکہ ٹی داتم اسکان 45 بندغ نا شہید مننگ نا حوال ءِ پک کرینے، ہرافتیان 18 پولیس کارندہ ءُ، وخت اس کہ دھماکہ ٹی ٹھپی مروک آتا کچ ہم یک و نیم سد آن گدرینگانے۔ ہرافتیان گیشتری ٹھپی تا حالیت نازرک پاننگ انگ ءِ۔حوال آتا ر داٹ خود کش دھماکہ کروک آ بندغ مسیت اٹ اولیکو صف اٹ سلوک مسوسس۔

(مانیٹرنگ ڈیسک)

Get real time updates directly on you device, subscribe now.

Leave A Reply

Your email address will not be published.