کوئٹہ شار اٹی جتا جتا جاگہ غاتیا 4 ایمرجنسی اسٹیشن جوڑ کننگک، خلیل مراد

کوئٹہ : ایڈیشنل ڈپٹی کمشنر(جنرل) خلیل مراد نا کماشی ٹی ڈسٹرکٹ ڈیزاسٹر منیجمنٹ نا اہم ءُ دیوان اس اڈ ہلک۔ دیوان اٹ کل اسسٹنٹ کمشنر و محکمہ غاتا افسرک بشخ ہلکر۔ دیوان اٹ طوفانی پر تیان ودی مروک آ حالیت و ہنگامی حالیت آتیان وخت آ مون تننگ کن اہم ءُ فیصلہ کننگا۔ دا بابت اٹ فیصلہ مس کہ ساڑی حالیت آ 24گھنٹہ نظر تخنگ کن ڈسٹرکٹ ایمرجنسی کنٹرول روم ڈی سی آفس اٹ جوڑ کننگا۔ ہراٹی کمامدار آتا ساڑی گری و زوت اس ریسپانس ءِ پک کننگک۔ داڑان بیدس شار انا جتا جتا علاقہ غاتیٹی چار ایمرجنسی اسٹیشن جوڑ کننگک ہراکہ کچلاک، سریاب، مشرقی بائی پاس و ہنہ وڑک اٹ حالیت آتیا نظر شاغنگک۔ ہراٹی کل محکمہ غاتا کارندہ غاک ساڑی مریرہ۔ داڑان بیدس ساڑی حالیت اٹ ضلعی انتظامیہ، میونسپل کارپوریشن، سی اینڈ ڈبلیو و ایم ایم ڈی نا کل ملازم آتا چھٹیک تاحکم ثانی رد کرسا اوفتے پارت جاری کننگا کہ او تینا دفتر اٹ تینا حاضری ءِ پک کیر وخت اس کہ ایلو ضلعی انتظامیہ و ایلو متعلقہ ادارہ غیر حاضر ملازم آتا برخلاف کاروائی کننگک۔

(خ ن)