زرگزرانی نظام ءِ سود آن پاک کننگ کن کاریم کننگ ان‘اسحاق ڈار

اسلام آباد :  بنجائی وزیرخزانہ سینیٹر اسحاق ڈار پارینے کہ پاکستان اٹ زرگزرانی نظام ءِ سود آنپاک کننگ کن گام گیج کننگ انگ ءِ‘ 30جون اسکان شریعت نا وڑ اٹ پوسکن ءُ گڑا لانچ کینہ‘یکم جولائی آن پین 4پراڈکٹ نا بناءِ کننگ انگ ءِ‘ نیشنل سیونگ فنانس منسٹری نا اسہ ونگ اسے‘ سیونگ اکاؤنٹ اٹ ہر تُو آ کٹیا اسلامی وڑ اٹ ہلنگ کینہ۔ اسلام آباد اٹ قومی بچت نا رد اٹ شریعت نا رد اٹ گڑا تا لانچنگ دود آن تران کرسا بنجائی وزیر خزانہ سینیٹر اسحاق ڈار پارے کہ ننا حکومت ملک اٹ اسلامی نظام نا نفاذ نا عزم کرینے‘ بنجائی شرعی عدالت نا پرمان نا رد اٹ 5سال اٹ پاکستان نا نظام ءِ اسلامی کننگ و سود ءِ چٹفنگ ئس‘ سود انا برخلاف اسٹیٹ بینک انا اپیل آتے دمدستی اِرا ہفتہ ٹی پدی ہلنگا‘سرسہبی آزموندہ ءِ مون آتخسا دادے دوارہ بنا کرین، لائی پاور اسلامی کمیٹی نا نظام ءِ مونی دننگ کن تینا ہدف ءِ مونی درین‘ اوپارے کہ پاکستان اٹ زرگزرانی نظام ءِ سود آنپاک کننگ کن گام گیج کننگ اٹی ان۔ 21درسَد اسلامی بینکنگ تینا بشخ ءِ دوئی کرینو۔ وزیر خزانہ پارے کہ 30جون اسکان شریعت نا رد اٹ پوسکن ءُ گڑا لانچ کینہ‘ یکم جولائی آن پین 4پراڈکٹ نابناءِ کننگ انگ ءِ‘ دا سفر برجاءِ‘ دا مچ آ نظام چنکو وخت اسے ٹی پورو مننگ کپک‘ اللہ نا کرم اٹ ملک ءِ سود آن پاک کننگ کن تینا کوشست آتے برجا تخنہ‘ ہمو دے ہم مُر اف ہراتم پورو سود آن پاک ءُ شرعی نظام اس اتینہ‘ قرآن اٹ سود ءِ چٹنگ نا حکم مسنے‘ نن سود ءِ زوت آن زوت چٹفنگ کن کوشست کننگ اٹی ان‘ بجٹ نا اولیکو قول ءِ اینو پورو کننگک‘ بجٹ اٹ ہر پڑو آ زوت عملدرآمد کننگک۔

(آن لائن)