مناسک حج نا بنا‘ حاجیک منی غا بسر‘حج انا رکن اعظم وقوف عرفہ اینو مریک

حاجیک دوشنبے نا نن مِنی ٹی رہینگ آن پد اینو سہب انا نماز ءِ خواننگ آن پد مِنی غان میدان عرفات کن راہی مریرہ

0

Get real time updates directly on you device, subscribe now.

مکہ مکرمہ :  سعودی عرب اٹ مناسک حج انا بنا مس‘ تدوک آ دے مسجد الحرام اٹ لکھ آ حاجیک منی غا راہی مننگ آن مست طواف کریر۔ میڈیارپوٹ آتا رد اٹ مِنی ٹی حاجی تیکن تمبو تا خلق آباد مسنے۔ پاکستان نا 2 لکھ حاجی تون اوار 160ملک آتیان 25 لکھ نا کچ حاجیک لبیک اللھم لبیک نا توار خلسا منی غا سر مسر‘ حاجیک دوشنبے نا نن مِنی ٹی رہینگ آن پد اینو سَے شنبے نادے سہب انا نماز ءِ خواننگ آن پد مِنی غان میدان عرفات کن راہی مریرہ۔ حج انا رکن اعظم وقوف عرفہ اینو سَے شنبے نا دے ادا کننگک۔ حاجیک مسجد نمرہ ٹی خطبہ حج ءِ خف توررہ و پیشیم و دیگر نا نماز تے قصر کیرہ خوانرہ‘ مچ آ دے ذکر کیرہ‘ جبل رحمت آ کارہ تینا و امت مسلمہ نا بخشش کن دعا کیرہ‘ دے اندری آ حاجیک مزدلفہ غا کارہ ہراڑے شام وخفتن نا نماز ءِ خوانرہ‘ نن ءِ بے چھت آن تیر کیرہ‘ ہنداکان شیطان تے خلنگ کن خل مچ کیرہ۔ 10 ذی الحج سہب انا نماز آن پد پدی منی غا کارہ ہراڑے رمی جمار یعنی شیطان تے خل اٹ خلیرہ۔ عئیدی کننگ آن پد حاجیک احرام ءِ کشرہ و خانہ کعبہ ٹی طواف زیارہ کیرہ و پدی منی غا کارہ ایام تشریق گدریفرہ۔ سعودی جنرل اتھارٹی برائے شماریات نا حساب کتاب نارد اٹ دا وخت اسکان حج اکن بروک آ حاجی تا کچ 24 لکھ آن زیات مسنے۔

(آن لائن)

Get real time updates directly on you device, subscribe now.

Leave A Reply

Your email address will not be published.