پِر آن خراب مروک سڑک آتے دمدستی بحال کننگے‘عبدالحمید زہری

کوئٹہ : ڈسٹرکٹ مینجمنٹ کمیٹی نا دیوان ڈپٹی کمشنر عبدالحمید زہری نا کماشی ٹی اڈ ہلک۔ دیوان اٹی ونگ کمانڈنٹ ایف سی 101کرنل سجاد، اسسٹنٹ کمشنر خادم حسین بھنگر تون اوار غٹ محکمہ غاتا ضلعی سروک آک بشخ ہلکر۔ ڈپٹی کمشنر آفیسر آتون گپ وتران کرسا پارے کہ 26 آن 30جون اسکان پِر تا پیشگوئی کننگانے نم تینا محکمہ غاتا کارکڑد ءِ جوان کبو۔ غٹ ضلعی سروک آک تینا تینا محکمہ غاتا کارکڑد ءِ ہم بیان کریر۔ داوخت آ ڈپٹی کمشنر غٹ آفیسر آتے پارت جاری کرسا پارے کہ پِرتا موسم ءِ و عئید بننگ ءِ غٹ ہیلتھ اسٹاف نا چھٹی تے منسوخ کننگانے غٹ عملہ ہسپتال آتیٹی ساڑی مریر۔ داکان بیدس محکمہ مواصلات، ایم ایم ڈی، میونسپل کمیٹی و کشت وکشار ءِ غٹ مشینری تیار تخنگ نا پرمان کننگانے۔ اوپارے کہ غٹ آفیسرا ٓک اسٹیشن آ ساڑی مریرہ۔ اومستی پارے کہ پِر تاسوب آن ہرا علاقہ غاتا سڑک آک خراب مسنو اوفتے دمدستی بحال کننگے۔ شار اٹی سفائی نا حالیت و دیر انا کشنگ کن دمدستی گام گیج کننگے۔ ڈیم تا چاروکی ءِ کننگ کن ڈیوٹی آ عملہ ءِ پابند کننگے، ڈپٹی کمشنر پارے کہ ہروڑنا ناخوشگوار واقعہ غاتون مون تننگ کن غٹ محکمہ غاک تیار سلر ڈیوالئی نا حالیت اٹ سخت کارروائی کننگک۔ ڈسٹرکٹ کمپلیکس اٹی فلڈ کنٹرول روم اس جوڑ کننگانے۔ الس نسخان تا دمدستی حوال ءِ کنٹرول ءِ وخت آ فراوان کے۔ تانکہ دمدستی کارروائی کننگے۔

(اے پی پی)