الیکشن کمشنر بلوچستان نا کنڈآن حب‘ لسبیلہ و پشین نا یوسی حرمزئی ٹی بلدیاتی گچین کاری تا شیڈول جاری
Get real time updates directly on you device, subscribe now.
کوئٹہ : صوبائی الیکشن کمشنر بلوچستان فیاض حسین مراد پارینے کہ الیکشن کمیشن بلوچستان نا ضلع حب، لسبیلہ و ضلع پشین نا یو سی حرمزئی ٹی خاص انگا نشست آتیا بلدیاتی گچین کاری شیڈول ءِ جاری کرینے۔ گچین کاری شیدول نا رداٹ 28 جنوری 2023 اسکان ریٹرننگ افسر تتون کاغزات نامزدگی جمع کرفنگ کیرہ۔ 30 جنوری آ پندار اومیت دار آتا پن تے خلنگک۔ 31 جنوری آن 3 فروری اسکان کاغزات نامزدگی نا جانچ پڑتال ءِ کننگک۔ 6 فروری آن 8 فروری اسکان ریٹرننگ افسر تا فیصلہ غاتا برخلاف اپیل دائر کننگک۔ 10 فروری اسکان اپیل آتیا فیصلہ مریک۔ 11 فروری آ اومیت دار آتا نظرثانی کروک آ لسٹ آتے خلنگک۔ 13 اسکان اومیت دار آک دستبردار مننگ کیرہ۔ 14 فروری آ اومیت دار آتا گچینی نشان تے الاٹ کننگک۔ 5 مارچ 2023 آ پولنگ مریک۔ پولنگ سہب انا 8 آن بیگہ نا پنچ بجہ اسکان برجا مریک۔
(آن لائن)