بھارتی کشاری گڑاتا گریزی نا برخلاف کانودی کارروائی کننگک‘ ضیاء لانگو

کوئٹہ : صوبائی وزیر داخلہ میر ضیاء اللہ لانگو پارینے کہ بلوچستان نا کرکی علاقہ غاتیٹی غیر کانودی وڑاٹ بھارتی کشاری گڑاتا گریزی نا توننگ کن کانود نا رداٹ کارروائی کننگک۔ او کمامدار آتے غیر کانودی وڑاٹ ہچ ءُ گڑا اسے نا گریزی نا برخلاف زوت اس کارروائی کننگ نا پارت کرینے۔ اسہ بیان اسے ٹی او پارینے کہ دا کاریم آن نہ بیرہ ننا ہندی زرگزران آ اثر تمک وخت اس کہ ہندی کشار گر تے نسخان رسینگک ہرادے ہچ ءُ حالیت اسے ٹی سگپنہ۔ او دا ہیت آ زور شاغا کہ غیر کانودی کشاری گڑاتا گریزی کروک آتیا نظر تخنگے و داوڑ نا بندغ آتا برخلاف جوان کارروائی کننگے۔

(خ ن)