سینیٹر شیری رحمان نا بارکھان واقعہ غا است ہسونی نا درشانی

اسلام آباد : بنجائی وزیر برائے چاگڑدی بدلی سینیٹر شیری رحمان بارکھان واقعہ غا است ہسونی نا درشانی کرسا پارینے کہ بارکھان نا است ہسون کروک واقعہ نا سوب آک انت کہ مریر ننا راج انا جم شعور آ سوجی ٹک اسے‘ تینا اسہ ٹویٹ اسے ٹی بنجائی وزیر پارے کہ نن ہرا کرن اٹ زند تیر کننگ ان ہراڑ واکدار آک نجی زندان جوڑ کرینو؟ ہراڑے مخلوق‘ نیاڑی و چناتیا بیداد کرسا اوفتا لاش تے دون تے ٹی بٹنگک؟ پوسٹ مارٹم است ءِ ہسون کروک ہیت مون آ بننگ اٹی ءِ۔ او پارے کہ انت کہ زہمی واوفتا خاہوت آ گدرینگانے کس اس اونا بدل ءِ تننگ کپک‘ بیدادی‘ خون و لاش تا بے حرمتی ننے کل ءِ شکی کرینے‘ دا واقعہ نا زوت آن زوت جاست پاست ءِ کرسا واقعہ نا زموار آتے سخت سزا تننگے۔

(آن لائن)