پاکستان تون اقتصادی و واپاری تعلقداری تے بے مٹ کننگ خوانہ، امریکہ
Get real time updates directly on you device, subscribe now.
واشنگٹن : امریکہ پارینے کہ پاکستان تون اقتصادی و واپاری تعلقداری تے بے مٹ کننگ خوانہ‘ ہڑتوم آ ملک آتا نیام اٹ زرکاری کن وزارتی دیوان برجاءِ‘ درملکی خبر رساں ادارہ نا رد اٹ ترجمان امریکی محکمہ خارجہ نیڈ پرائس میڈیا تون ہیت وگپ کرسا پارے کہ امریکہ و پاکستان نا نیام اٹ واپاری تعلقداریک سوگو ءُ‘ نن پاکستان تون اقتصادی و واپاری تعلقداری تے بے مٹ کننگ خوانہ‘ پاک امریکہ زرکاری کن وزارتی دیوان مننگ اٹی ءِ‘ ترجمان پارے کہ اِرا دہائی اٹ پاکستان اٹ زرکاری کروک آتے ٹی امریکہ کل آن مون اٹی ءِ‘ پاکستان تون توانائی‘ کشاری ازباب‘ ایلو بشخ آتے ٹی واپاری ءِ ودفنگ نا گرج ءِ۔ نیڈ پرائس پارے کہ پاکستان تون اسہ سال اٹ ننا زرکاری ٹی ہچ مف پنجا درسَد ودکی مسنے‘ او مستی پارے کہ دہشت گردی نابرخلاف امریکہ و پاکستان نا فائدہ غاک اسٹ ءُ۔ طالبانک پک کیر کہ داعش، ٹی ٹی پی وایلوفک ڈیہہ انا امن ءِ خراب کپس۔
(آن لائن)