السی ویل آتے اولیت نا بنداو آ ایسر کننگک، داؤد خلجی

خضدار: کمشنر قلات ڈویژن داؤد خان خلجی پارینے کہ اُلس ءِ دوئی آ ویل آتے جوان بنداو آ ایسر کینہ۔ بولان مائننگ انٹرپرائز نا بابت علاقہ نا اُلس نا ویل و خواست آتے ہمو کمامدار آتسکان سر کینہ۔ ورکرزماڈل ہائی اسکول خضدار نا اُستاد آتا استعداد کار اٹ جوانی اتنگ کن اسہ آب انا ادارہ اسے تون رابطہ کرسا اودے جوان ءُ علم آن معلومدار کننگ کن ٹریننگ نا بست وبند ءِ کننگک۔ دا خیال آتا درشانی ءِ کمشنر قلات ڈویژن کمشنر کانفرنس روم اٹ اڈ ہلوک دیوان آن تران کرسا کرے۔ دیوان اٹبلوچستان اسمبلی میر یونس عزیز زہری نا باسک خاص بشخ ہلک۔ دیوان ءِ صدر جھالاوان ایکشن کمیٹی خضدار صابر حسین قلندرانی جنرل سیکرٹری مفتی جاوید منصوری و ایلو نمائندہ غاک بولان مائننگ انٹر پرائز تعلیم جانجوڑی، کشت وکشار و بے روزگاری نا بابت معلومدار کرے و تینا سلاہ تے پیش کریر۔ دیوان اٹ ڈپٹی کمشنر خضدار میجر (ر) محمد الیاس کبزئی پروفیسر ڈاکٹر منیر احمد ڈائریکٹر محکمہ زراعت قلات ڈویژ ن منیر احمد مینگل منیجر بولان مائننگ انٹر پرائز خضدار محمد رفیق خرم نجیب اللہ خان پرنسپل ورکرزماڈل ہائی اسکول خضدار غلام نبی ایم ایس گورنمنٹ ٹیچنگ ہسپتال خضدار ڈاکٹر سعید احمد بلوچ صدر انجمن تاجران خضدار حافظ حمید اللہ مینگل ڈاکٹر حضور بخش عمرانی،سپرنٹنڈنٹ کمشنر قلات آفس عبدالحفیظ جتک،غلام علی بادشاہ،فیروز آباد نا راجی راہشون عبدالحمید مردوئی،مزدور راہشون آٖغا زولفقار علی شاہ و ایلوفک بشخ ہلکر۔ دیوان اٹ کمشنر قلات ڈویژن داؤد خان خلجی جھالاوان ایکشن کمیٹی نا پیش کروک آ خواست آتے خوڑتی اٹ بنگ و اوفتا ایسری کن سلاہ پیش کرے۔ بلوچستان اسمبلی نا باسک میر یونس عزیز زہری پارینے کہ بولان مائننگ کمپنی نا بابت پیش کروک آ فیروزآباد نا اُلس نا کل ویل و خلیس آک بلوچستان اسمبلی اٹ ہرفوہ۔ اوڑتون اوار وزیر اعلیٰ بلوچستان سیکرٹری فناس و مائینزوپی پی ایل نا نمائندہ غاتون رابطہ کرسا اوفتے ایسر کننگ اٹ کوشست کیوہ۔ کمشنر قلات ڈویژن داؤد خان خلجی پارینے کہ پیش کروک آ خواست آتے وخت اتون اوار ایسر کننگ نا ہر وڑ نا کوشست کیوہ۔

(خ ن)