السی زندی آب انا گچینی کن کیہی ڈٹ آتیا کاریم مننگ ءِ، کمشنر رخشان

0

Get real time updates directly on you device, subscribe now.

خاران: کمشنر رخشان طارق الرحمٰن بلوچ پارینے کہ حکومت بلوچستان اُلس نا آب انا زند ءِ بڑز تخنگ کن جتاجتا بشخ آتیٹی کاریم کننگ اٹی ءِ۔ رخشان ڈویژن نا کل ضلع غاتیٹی اسپورٹس کمپلیکس نا کاریم ءِ آب بنداو آ پورو کرفنگک۔ شونداری ڈٹ آتا پوروی آن شونداری و شونہالی بریک۔ کمشنر رخشان ڈویژن طارق الرحمٰن بلوچ نا کماشی رخشان ڈویژن نا ہر چار آ ضلع غاتیٹی جوڑ مروک آ  اسپورٹس کمپلیکس نا کاریم پراگریس نا بابت اٹ میٹنگ اس اڈ ہلک۔ میٹنگ اٹ رخشان ڈویژن نا ضلع غاتا ڈپٹی کمشنر آک ویڈیو لنک انا کمک اٹ میٹنگ اٹ بشخ ہلک۔ وخت اس کہ ڈائریکٹر ڈویلپمنٹ رخشان نادر نصیر، ایس ای رخشان محمد اشرف، اے سی محمد رمضان اشتیاق، اے سی امتیاز محفوظ بلوچ، ایکسیئن بی اینڈ آر خاران عادل نصیر و اضلاع اسپورٹس کمپلیکس آتا ٹھیکیدار آک بشخ ہلکر۔ میٹنگ اٹ ڈسٹرکٹ خاران، نوشکے، واشک،چاغی نا ڈپٹی کمشنر، ایکسیئن و ٹھیکیدار آک تینا ضلع غاتیٹی اسپورٹس کمپلیکس نا پراگریس رپورٹ اس پیش کرے۔ خاران ڈسٹرکٹ اٹ اسپورٹس کمپلیکس نا کاریم اٹ زیات کاریم آ کمشنر رخشان ایکسیئن بی اینڈ آر خاران عادل نصیر و اسپورٹس کمپلیکس ٹھیکیدار نا ستا ءِ کرے۔ کمشنر رخشان ڈویژن نا ہر اچار آ ضلع غاتیٹی اسپورٹس کمپلیکس نا کاریم ءِ ترند و آب بنداو آ کرفنگ نا پارت کرسا پارینے کہ کل ضلع غاک ڈپٹی کمشنر ایکسیئن ٹیکنکل آفیسر آتون اوار اسپورٹس کمپلیکس آتا کاریم تا مانیٹرنگ ءِ کیرہ۔ کمشنر رخشان ڈویژن طارق الرحمٰن بلوچ پارینے کہ حکومت بلوچستان اُلس نا زند انا آب ءِ بڑز تخنگ کن جتاجتا بشخ آتیٹی کاریم کننگ اٹی ءِ۔ ضلع غاتیٹی  کروڑ آ روپئی تا خرچہ غان اسپورٹس کمپلیکس ڈٹ آتیا کاریم مننگ اٹی ءِ۔ اسپورٹس کمپلیکس آتا کاریم اٹ ہچ ءُ نزوری اس سگپنہ۔ کل ٹھیکیدار آک آب کاریم ءِ ترند تخنگ تون کیر۔

(خ ن)

Get real time updates directly on you device, subscribe now.

Leave A Reply

Your email address will not be published.