جہانی راہشونک کورونا تون اسٹ مرسا جنگ کیر، جہانی جانجوڑی ادارہ

برلن (اے پی پی) جہانی ادارہ جان جوڑی نا سروک ٹیڈروس اذانوم گیبریئس جہانی راہشون آتیان خواست کرینے او دین آ سیاست کپس، بلکن داڑتون جنگ تننگ کن یکجا مریر۔ ٹیڈروس اذانوم گیبریئس نا پاننگ ءِ کہ او جہانی راہشون کورونا وائرس آ سیاست کپ بلکن غٹ راہشونک کورونا وائرس نا برخلاف جنگ اکن یکجا مریر۔ اومستی پارے کہ دینی مرض اٹ داسہ ہم ترندی بننگ ءِ و مچ آ دنیا ٹی انفیکشن اٹ ہڑدے ریکارڈ اٹ ودکی مرسا کننگ ءِ۔ رپورٹ نارداٹ اوداہیت ءِ دبئی ٹی رہینگوک آ ورلڈ گورنمنٹ سمٹ نا وخت آ ویڈیو کانفرنس اٹی پارے۔ اوپارے کہ دنیا ءِ 10 لکھ وائرس نا انفیکشن ءِ ہُننگ اٹ 3 تُو انا وخت لگانے وخت اس کہ داکان پد 10 لکھ بندغ اٹی دا انفیکشن بیرہ ہشت دے اٹی ہی تالان مسنے۔ اونا دا بیان ہندن ءُ وخت اسے اٹی مون آ بس ہراتم برازیل، عراق، ہندوستان و کیہی امریکی ریاست آتے ٹی انفیکشن نا کچ اٹی بے پناہ ودکی مسنے۔