چناتا آخبت و جوان تعلیم وتربیت آ اسُل سمجھوتہ کپنہ‘سرداریارمحمد رند
Get real time updates directly on you device, subscribe now.
کوئٹہ (آن لائن) وزیراعظم پاکستان نا خصوصی کمکار و صوبائی وزیر تعلیم بلوچستان سردار یار محمد رند و وزیراعلیٰ پنجاب سردار عثمان بزدار اسک تعلیمی گچینی کن اسیجائی اٹ کاریم کننگ نا عہد کرسا پارینو کہ چناتا روشنا غا آخبت و جوان تعلیم وتربیت آ ہچ سمجھوتہ کپنہ۔ دا خیال آتا درشانی ءِ او تدوک آدے اوڑدہی نا وخت آ ہیت وگپ کرسا کریر۔ دا وخت آ صوبائی وزیر تعلیم پنجاب مراد راس ہم ساڑی ئس‘ ہڑتوم آراہشونک پنجاب و بلوچستان اٹ تعلیمی اصلاحات کن سلاہ تسر و دا وخت آ سردار یار محمد رند پارے کہ چناتا آخبت و جوان تعلیم وتربیت آ اسُل سمجھوتہ کپنہ‘ پنجاب آن سلاہ ہلسا بلوچستان کن جوان تعلیمی آسراتی و بلوچستان نا چناتے پنجاب نا وڑ انا ماڈل اسکول ایجوکیشن سسٹم فراوان کینہ‘ دا وخت آ وزیراعلیٰ پنجاب سردار عثمان بزدار بلوچستان اٹ ایجوکیشن سٹی جوڑ کننگ نا صوبائی وزیر تعلیم نا گام گیج آتاسفت ءِ کرسا پارے کہ پنجاب حکومت محکمہ تعلیم بلوچستان تون ہر وڑ انا کمک کیک۔