عمران خان تینا مارتے جیل بھرو تحریک کن بٹنگے، عابد شیر علی

اسلام آباد: مسلم لیگ (ن) نا راہشون عابد شیر علی پارینے کہ عمران خان تینا مارتے بٹنگے و جیل بھرو تحریک نا بناءِ کے، مسلم لیگ (ن) نا تدوک آ حکومت آن پد زرگزرانی بھسکاری نا دور بناکرے، نواز شریف ءِ نابود کرسا ملکی شونداری نا کسر ءِ توننگا، عمران خان ءِ خوش کننگ کن آئین ءِ لتاڑکننگا۔ پنچ شنبے نادے آ داڑے پریس کانفرنس آن تران کرسا اوپارے کہ قوم انا مون آ سوج آک دادو کہ انت پاکستان نا بھسکاری وکبینی نا زموار نن اُن؟ انت آئی ایم ایف نا معاہدہ غاتا زموار نن اُن؟۔ اوپارے کہ نواز شریف تینا مسڑ تون وطن آ پدی بس و او عدالت آتیٹی پیشی تس، مسلم لیگ (ن) نا مخلوق انت ملک دشمن ءُ، ہرااوفتیا مقدمہ کننگا ہراتم نواز شریف و شہباز شریف پیش مریرہ تو اوفتیا خف توننگپک۔ اوپارے کہ لاہور ہائی کورٹ اٹی پی ٹی آئی نا کارندہ غاتے جمع کننگا، ننے تو عدالت آتیا ہِننگ اٹ لٹ لگاکہ، آڈیو لیکس بسنے ہرافتیابار کونسل آتے ہم گڑتی ءِ، عمرا ن نیازی ہڑدے دروغ تڑک، نواز شریف نا تو توار ءِ ہم بند کننگاسس، عمران نیازی ہڑدے ادارہ غاتے شست کرسا کرے۔ اوپارے کہ مردم شماری ٹی عمران خان نا ہرمسٹ آ چناتا اندراج مرے، پی ٹی آئی دا ہرمسٹ آ چناتیان ہم جیل بھرو تحریک نا فارم و سوغند ہلے، و دا ہر مسٹ آ چناتا ووٹر لسٹ آتا اندراج مرے، اواومیت ظاہر کرے کہ عدالت آک آئینی وڑاٹ فیصلہ کیرہ تانکہ کس اسے ہم گڑتی مف، ننا درخواست ءِ کہ چیف جسٹس آف پاکستان پوسکن ءُ بنچ اس جوڑ کے وسینئر انگا جج آتے ہم داٹی اوار کننگے، اگہ پوسکن ءُ بنچ اس جوڑ مفک تو سیوتی تتون سلابت آن پد فیصلہ کینہ۔ اوپارے کہ مہالو ہم پانامہ غا دہ تُو خلنگا داڑا ہم فیکٹ فائنڈنگ کمیشن اس جوڑ کننگے۔ اوپارے کہ الیکشن کمیشن نا آئینی زمواری ءِ کہ 90 دے اٹی الیکشن کرفے، صدر مملکت آئین نا آرٹیکل 170 ءِ بایدے خوانے۔ اسہ سوج اسے نا ورندی ٹی اوپارے کہ ای تینا قائد نا پارت آ لندن اٹی رہینگاٹ، نن ہراتم زندان کاٹان تو ہمووخت آ میڈیا اَلوکہ، ننا تینا جماعت کن بھاز قربانیک ءُ، وزیراعظم آن خواست کرینن کہ اے پی سی ءِ بٹنگسا چارٹر آف اکانومی اس ٹہیفے۔

(اے پی پی)