لکی مروت,انٹیلی جنس بیسڈ آپریشن، 6 دہشتگرد خلنگار

پشاور: انسپکٹر جنرل آف پولیس خیبرپختونخوا نا ویژن نا رداٹ کاؤنٹر ٹیرارزم ڈیپارٹمنٹ (سی ٹی ڈی) بنوں و لکی پولیس نا تھانہ ڈاڈیوالہ نا دنگ اٹی اسیجائی کارروائی ٹی دہشت گرد آتون اسہ ایلو آ سم کاری ٹی 6 دہشت گرد زوال کریر۔ پولیس نا رداٹ پولیس ءِ پک حوال ملاسس کہ چندی بمب جلہو و دہشت گردی نا واردات آتیٹی اوار دہشت گرد تھانہ ڈاڈیوالہ نا علاقہ ٹی ساڑی ءُ و چوکی عباسہ غا جلہو نا ڈٹ اس جوڑ کننگ اٹی ءُ۔ ہراڑ ا لکی مروت پولیس و سی ٹی ڈی بنوں نا ٹیم دہشت گرد آتا ٹھکانہ غاتیا انٹیلی جنس بیسڈ آپریشن کن رسینگار تو دہشت گرد آک پولیس پارٹی آ کیہی کنڈ آتیان سم کاری نا بناءِ کریر۔ پولیس ہم ورندی سم کاری نا بناءِ کرے۔ آپریشن اٹی 6 دہشت گرد خلنگار ہرافتے ٹی چار انا درستی راستی ضیاء اللہ عرف کوچی، صفت اللہ عرف ڈرون، محب اللہ وکلیم عرف فقیر اٹ مسنے وخت اس کہ ایلو زوال کروک اِرا دہشت گرد آتا درستی راستی ءِ کننگ انگ ءِ۔ زوال کروک دہشت گرد آک پولیس آ جلہو و دہشت گردی نا واقعہ غاتیٹی لکی مروت پولیس و سی ٹی ڈی ءِ درکار ئسر۔ یات سلے تدوک آ سال نومبر اٹی ہندا علاقہ ٹی دہشت گرد آک چوکی عباسہ نا پولیس موبائل گاڈی آ جلہو کریسر ہراٹی پولیس نا 6 ورناشہید مسوسر۔

(اے پی پی)