اواری اٹ تولسا غٹ ویل آتا ایسر ی ءِ پک کینہ، وزیر دفاع خواجہ محمد آصف
Get real time updates directly on you device, subscribe now.
اسلام آباد: اسپیکر بلوچستان اسمبلی نا کماشی ٹی اسپیشل کمیٹی نا پاور ڈویژن اسلام آباد اٹی دیوان اس مس ہراٹی کمیٹی ءِ بلوچستان نا توانائی و گیس انا بشخ اتون وابستہ ویل آتیا حوال تننگا۔ وزیر دفاع خواجہ محمد آصف کمیٹی نا کماشی ءِ کرسا پارے کہ اواری اٹ تولسا غٹ ویل آتا ایسری ءِ پک کینہ۔ پنچ شنبے نادے آ مروک آ دیوان اٹی بلوچستان اسمبلی نا باسک آک کمیٹی ءِ پاریر کہ بجلی نا فراوانی ٹی گچینی اتنگے و نوکاپ نا رداٹ دسمبر 2022اسکان ان بجلی نا بل آتے معاف کننگے۔ بنجائی وزیر توانائی انجینئر خرم دستگیر خان پارے کہ بلوچستان نا نمائندہ غاتا سلاہ و سوج آتے وزیراعظم نا مون آ تخنگک و بجلی نا باندات آتا سرجمی اٹ جاچ ءِ ہلنگ کن او تینٹ کوئٹہ نا دورہ ءِ کیک۔ دیوان اٹی وزیر مملکت ڈاکٹر مصدق ملک، وزیر مملکت بجلی میر محمد ہاشم نوتیزئی، چیئرمین نیپرا، بنجائی سیکرٹری پاور، سیکرٹری خزانہ، سیکرٹری پیٹرولیم، بلوچستان اسمبلی نا باسک و صوبائی وزیر آک، اپوزیشن لیڈر بلوچستان اسمبلی، سیکرٹری بلوچستان انرجی ڈیپارٹمنٹ و ایلو تعلقدار کمامدارآک بشخ ہلکر۔
(اے پی پی)