نن ملک ءِ آئین نا رداٹ چلیفنگ خوانہ، پی ٹی آئی راہشون اسد قیصر

پشاور: پاکستان تحریک انصاف (پی ٹی آئی) نا راہشون اسد قیصر پارینے کہ نن ملک ءِ پاکستان نا آئین نا رداٹ چلیفنگ خوانہ، ملک ہمووخت آ قائم و دائم سلک ہراتم آئین آ عملدرآمد مرے، سپریم کورٹ نا سوموٹو ہلنگ آ خوشی مس۔ پنچ شنبے نادے آ میڈیا تون گپ وتران کرسا راہشون پاکستان تحریک انصاف اسد قیصر پارے کہ نن حقی آجوئی کن پیش تمانن۔ اوپارے کہ جیل بھرو تحریک نا اصل مسخت دادے کہ نن ملک ءِ آئین نا رداٹ چلیفنگ خوانہ۔ اوپارے کہ سپریم کورٹ آف پاکستان نا کنڈ آن سوموٹو ہلنگ آ خوشی مس۔ آئین نا رکھ سپریم کورٹ نا زمواری ءِ۔ ننے اومیت ءِ کہ سپریم کورٹ تینا بنداوی کڑد ءِ ادا کیک۔ الس سپریم کورٹ نا کنڈ آ ہُننگ ءِ۔ ننا جہد رنگ اتیک۔ نن پاکستان ءِ قائد اعظم نا پاکستان جوڑ کننگ خوانہ۔ اوپارے کہ ہرکس کہ آئین ءِ پرغنگ نا کوشست کیک، پاکستان نا الس پیشن پیش تمک۔

(اے پی پی)