سیکورٹی ادرہ غاک سختی نا دے تیٹ ملک اکن خذمت کرینو، صادق عمرانی
Get real time updates directly on you device, subscribe now.
تمبو: پاکستان پیپلز پارٹی نا ایگزیکٹو کمیٹی نا باسک و مسکوہی صوبائی وزیر میر محمد صادق عمرانی و پی پی پی نصیرآباد نا ڈویژنل صدر میر بلال عمرانی نا کماشی ٹی 23مارچ یوم پاکستان و پاک فوج نا حق و استحکام پاکستان نا بابت اٹ اسہ عظیم الشان ریلی اس اڈ تسر۔ ریلی صادق عمرانی ہاؤس ڈیرہ مراد جمالی آن کشار ہراکہ شار نا جتا جتا شاہراہ تیان مرسا ڈی سی چوک ءِ سر مرسا اسہ جلوس اس جوڑ مرے۔ ریلی نا بشخندار آک تینا دود تیٹی سبز حلالی پرچم و پارٹی نا بیرک ہرفیسر۔ ہرا پاکستان زندہ باد پاک فوج زندہ باد نا نعرہ خلسا کریر ریلی نا بشخندار آتیان مسکوہی صوبائی وزیر میر محمد صادق عمرانی، پارٹی ا ڈویژنل صدر میر بلال عمرانی، ڈاکٹر شاہنواز خان سیال، سٹی صدر محمد رحیم لہڑی، تحصیل صدر میر غلام حسین عرف سبزل خان رند، میر حامد خان گولہ، میر ذاکر حسین ہجوانی، سید مبارک علی شاہ، بہادر خان شر، مہراللہ جکھرانی، میر سہراب خان جکھرانی تون اوار ایلو ترانکار آک تران کرسا پارینو کہ اسہ سازش اسے نا رداٹ پاک فوج ءِ بدنام کننگ نا کوشست کننگ اٹی ءِ۔ ہرادے ہچ ءُ وڑ اسے ٹی سگپنہ۔ پاک فوج آئی ایس آئی ایف سی و پولیس تون اوار ایلو سیکورٹی ادارہ غاک ملک نا سلامتی استحکام و سالمیت کن تینا جان تا نذرانہ ءِ پیش کننگ اٹی ءُ۔
(آن لائن)