پاکستان دے انا قومی تاریخ اٹی بھلو اہمیت اسے، شاہد سلیم قریشی

0

Get real time updates directly on you device, subscribe now.

سبی : سرکٹ ہاؤس سبی ٹی یوم پاکستان نا وخت آ پرچم کشائی کرے۔ جوان ءُ دود اس اڈ ہلک۔ دود انا خاص انگا مہمان خصوصی کمشنر سبی ڈویژن شاہد سلیم قریشی ئس۔ شار انا جتا جتا ہند آتیا یوم پاکستان نا بابت اٹ دود آتا چر برجا ءِ۔ او وخت آ سیکورٹی نا فل پروف انتظام کرے۔ یوم پاکستان 23مارچ نا بابت اٹ ضلعی انتظامیہ سبی نا کنڈآن سرکٹ ہاؤس اٹ پرچم کشائی کرے۔ اسہ گچین ءُ دود اس اڈ ہلک۔ دود انا خاص انگا مہمان کمشنر سبی ڈویژن شاہد سلیم قریشی ئس۔ دود اٹ ڈی آئی جی سبی رینج علی شیر جھکرانی،ڈپٹی کمشنر سبی منصور قاضی‘ایس ایس پی سبی محمد یوسف بھنگر‘اسسٹنٹ کمشنر سبی علی شاہ عباسی، ڈویژنل ڈائریکٹر سوشل ویلیفئر میر دین محمد مری،ڈی ایس پی عبدالحفیظ جھکرانی،پرنسپل ڈگری کالج سبی محمد سرور گولہ، ڈویژنل ڈائریکٹر ایجوکیشن محمد اختر کھیتران،ڈسٹرکٹ ایجوکیشن آفیسر سبی عبدالحمید ابڑو، ڈسٹرکٹ ہیلتھ آفیسر ڈاکٹر محمد اکبر سولنگی، ایم ایس ڈاکٹر محمد رفیق سولنگی، ایکسین پبلک ہیلتھ فرخ شہزاد، ڈسٹرکٹ اسپورٹس آفیسر محمد ایاز داجلی، ایس ڈی او بی اینڈ آر عبدالغفار گشکوری تون اوار ضلعی افسرک بھلو کچ اسے ٹی بشخ ہلکر۔ او وخت آ کمشنر سبی ڈویژن شاہد سلیم قریشی قومی بیرک ءِ بڑز کرسا پرچم کشائی کرے و ملک انا شونداری و شونہالی کن خاص دعا کرے۔ دود اٹ پرچم کشائی نا وخت آ پولیس نا چاک وچوبند دستہ سلامی پیش کرے۔ پرچم کشائی نا دود ات کمشنر سبی ڈویژن تران و میڈیا تون ہیت وگپ کرسا کرے کہ یوم پاکستان 23 مارچ نا دے ننا قومی تاریخ اٹ بھاز اہمیت تخک۔ انتئے کہ 1940 ٹی ہندا دے آ لاہور اٹ تاریخی قرار دادپاکستان ءِ منظور کریسر۔

(آن لائن)

Get real time updates directly on you device, subscribe now.

Leave A Reply

Your email address will not be published.