شہید بریگیڈیئر جیرت اٹ دہشتگرد آتتون مون تس، وزیر اعلیٰ بلوچستان
Get real time updates directly on you device, subscribe now.
کوئٹہ : وزیراعلیٰ بلوچستان میر عبدالقدوس بزنجو سویلی وزیرستان نا علاقہ انگور اڈہ ٹی دہشت گرد آتا سم کاری نا واقعہ نا مذمت ءِ کرسا پاک فوج انا بریگیڈیئر مصطفی کمال نا شہیدی و ایلو سیکورٹی کارندہ غاتا ٹھپی مننگ آ ڈکھیائی و است ہسونی نا درشانی ءِ کرینے۔ داہیت ءِ او جاری کروک بیان اٹی پارے کہ شہید بریگیڈیئر جیرت و نرزوری اٹ دہشت گرد آتا مقابلہ ءِ کرسا شہیدی نا جام ءِ نوش کرے شہید بریگیڈیئر ملک و قوم انا دفاع و رکھ اکن جون ءِ ندر کرے۔ وزیراعلیٰ شہید بریگیڈیئر نا خاہوت تون ہڑزخواہی و ہمدردی نا درشانی ءِ کرینے و ٹھپی کارندہ غاتا زوت دراخ جوڑی کن دعا کرے۔
(اے پی پی)