میر ضیاء اللہ لانگو نا پاک فوج انا سینئر آفیسر و ورناناشہیدی آ است ہسونی

کوئٹہ : صوبائی وزیر داخلہ میرضیاء اللہ لانگو پاک فوج انا سینئر آفیسر و ورنانا شہیدی آ است ہسونی نا درشانی ءِ کرینے۔ تینا جاری کروک بیان اٹی صوبائی وزیر داخلہ میر ضیاء اللہ لانگو پارے کہ ناپاک دہشت گرد جلہو نا ترندی اٹ مذمت ءِ کیوہ۔ گڑاس زموار امن نا کوشست آتے لتاڑنگ اٹ لگوک ءُ، اینو نا سانحہ ہم ہندا چرجوئی نا اسہ کڑی اسے۔ وزیرداخلہ نا شہید آتا خاہوت آتون ہمدردی و ہڑزخواہی کرسا پارے کہ پاکستان نا فوج انا آفیسر آک لمہ وطن نا رکھ و دفاع کن بے مٹ قربانی تسنو وخت اس کہ سیمی علاقہ ٹی دشمن نا دا کارروائی لغوری نا گام اسے۔ میر ضیاء اللہ لانگو نا مستی پاننگ ئس کہ دہشت گرد آک تینا مکروہ عزم اٹی اسُل سرسہب مفسہ، قوم دہشت گرد و ملک دشمن تا برخلاف یکجا ءِ، ننا فوج پدریسہ جون تے ندر کننگ اٹی ءِ۔ دہشت گرد آتا برخلاف جنگ ترسا شہیدی نا جام ءِ نوش کروک آ ورناتے اینو مچ آ قوم خراج تحسین پیش کننگ ءِ۔

(اے پی پی)