مچ آ ملک اٹی 24 گھنٹہ ٹی کورونا دین انا 136 کیس رپورٹ
Get real time updates directly on you device, subscribe now.
اسلام آباد : مچ آملک اٹی 24گھنٹہ ٹی کورونا دین انا 136 کیس رپورٹ مس ہرافتیان 20 ناجوڑ آتا حالیت نازرک ءِ و اسہ بندغ اس زوال مس۔ چارشنبے نادے آ قومی ادارہ جان جوڑی (این آئی ایچ) نا کنڈآن جاری حساب وکتاب نا رداٹ مچ آ ملک اٹی 24 گھنٹہ ٹی کورونا دین انا 4 ہزار 986 ٹیسٹ کننگا ہرافتیان 136 بندغ آتا ٹیسٹ مثبت بس ہندا وڑ مثبت کیس ٓتا کچ 2.73درسد ئس و داوخت آ کورونا دین آن اسہ ناجوڑ اس زوال مس وخت اس کہ 20 انا حالیت نازرک ءِ۔ ملک انا چندی شار تیٹی تدوک آ 24 گھنٹہ ٹی کروک آ کورونا ٹیسٹ ومثبت کیس آتا بابت لاہور اٹی 536 آن 17 بندغ آتا ٹیسٹ مثبت بس و ہموڑے مثبت کیس آتا کچ 3.17 درسد ئس، ہندا وڑ اسلام آباد اٹی 493 آن 24 بندغ آتا ٹیسٹ مثبت بس و کچ 4.87 درسد ئس، کراچی ٹی 1112 بندغ آتیان 62 ٹیسٹ مثبت بس و ہموڑے کچ 5.58 درسد ئس وخت اس کہ بہاولپور اٹی 184 بندغ آتیان 4 نا ٹیسٹ مثبت بس وہموڑے مثبت کیس آتا کچ 2.17 درسد ئس۔
(اے پی پی)