منی لانڈرنگ ریفرنس نا سماعت 4 اپریل اسکان ملتوی
Get real time updates directly on you device, subscribe now.
لاہور : لاہور نا احتساب عدالت وزیراعظم محمد شہباز شریف، حمزہ شہباز تون اوار اونا خاہوت نا برخلاف منی لانڈرنگ ریفرنس اٹی نیب انا کنڈآن شریک دوبہ دار سلمان شہباز و ہارون شہباز یوسف نا بابت سپلیمنٹری رپورٹ جمع کرفنگ آن پد مستی سماعت ءِ 4 اپریل اسکان پد بٹے۔ احتسا ب عدالت نمبر 9 انا جج قمرالزمان وزیراعظم محمد شہباز شریف و اونا خاہوت نا برخلاف منی لانڈرنگ کیس انا سماعت ءِ کرے۔ چارشنبے نادے آ سماعت آ وزیراعظم محمد شہباز شریف نا جاگہ غا اونا پلیڈر انوار حسین عدالت اٹ پیش مس۔ احتساب عدالت وزیراعظم محمد شہباز شریف ءِ حاضری آن آخبتی استثنیٰ تسنے۔ سماعت اٹی نیب شریک دوبہ دار سلمان شہباز و ہارون یوسف نا بابت سپلیمنٹری رپورٹ جمع کرفے وخت اس کہ عدالت طبی بنداو آ حمزہ شہباز نا اسہ دے انا حاضری معافی نا دائر درخواست ءِ منظور کرے۔ احتساب عدالت کیس آ مستی سماعت ءِ 4 اپریل اسکان پدبٹے۔
(اے پی پی)