ملکی زرگزرانی بحالی‘وزیراعظم ایپکس کمیٹی ٹہیفے‘کماش تے شہباز شریف مریک

اسلام آباد : ملکی زرگزران نا بحالی کن وزیراعظم ایپکس کمیٹی ٹہیفے‘ ایپکس کمیٹی ناکماشی ءِ وزیراعظم شہباز شریف کیک‘ آرمی چیف و عسکری کمامدار آک ہم ایپکس کمیٹی ٹی اوار مریرہ‘ حوالی نا رد اٹ وزیر خزانہ، وزیر ڈٹ بندی، وزیر دفاع، وزیر دفاعی پیداوار ءِ ہم ایپکس کمیٹی ٹی اوار کننگانے وخت اس کہ بنجائی وزیر فوڈ سیکورٹی، وزیر انفارمیشن ٹیکنالوجی و وزیر پٹرولیم و قدرتی وسیلہ ہم کمیٹی ٹی اوار مریک‘ حوالی نا رد اٹ زرگزرانی بحالی کن ٹہیفوک ایپکس کمیٹی ملک اٹ پیشن نا زرکاری آ فریم ورک تیار کیک‘ ایپکس کمیٹی پاکستان اٹ زرکاری اٹ استخواہی نشان تروک ملک آتیکن کمکاری کیک‘ حکومتی حوالی نا رد اٹ پنچ بھلو ملک پاکستان اٹ بھلو زرکاری کننگ نابابت استخواہی درشان کرینو‘ دا ملک آتے ٹی سعودی عرب، یو اے ای، قطر و بحرین پاکستان اٹ بھلو کچ اسے ٹی زرکاری کننگ کن تیار ءُ‘ ایپکس کمیٹی ہندا ملک آتا پاکستان زرکاری نا امور تا مانیٹرنگ ءِ کیک‘ ایپکس کمیٹی بروک آمسہ سال اٹ دا ملک آتا زرکاری ءِ پک کیک‘ ایپکس کمیٹی اسپیشل انویسٹمنٹ فسیلیٹیشن کونسل نا فیصلہ غاتیا عملدرآمد کرفک۔

(آن لائن)