نزور آ جمہوریت ہم آمریت آن جوان ءِ‘ راجہ پرویز اشرف

اسلام آباد : اسپیکر قومی اسمبلی راجہ پرویز اشرف پارینے کہ نزور آن نزور آ جمہوریت ہم آمریت آن جوان ءِ‘ پارلیمان کل ادارہ غاتا لمہ ءِ اودے شرف تننگ ننے کل آن فرض ءِ‘ اختلاف سلاہ درشانی جمہوریت نازیبائی ءِ‘ ولے اختلاف سلاہ درشانی نا پد اٹ بے چیٹی تالان کننگ نا حق ہم کس ءِ اف‘پاک فوج و تینا شہید آتیا گمر کینہ‘سمر انٹر شپ پروگرام نا انٹرنز آن تران کرسا اسپیکر قومی اسمبلی پارے کہ سمر انٹرن شپ پروگرام نا انٹرنز ءِ قومی اسمبلی ٹی بخیرٹ پانہ‘ خوشی دادے کہ داڑان طالب علم آتے قومی اسمبلی ءِ خڑک آن خننگ نا وارخواہی رسینگک‘ جمہوریت اسہ ہندن ءُ نظام اسے ہرا چین آن چین آ گدرینگک‘ پارلیمان ننا کل اناءِ دانا جوان انگا یات آک نما ذہن تے ٹی مدام سلرہ‘ جمہوریت اٹ الس ءِ تینا نمائندہ غاتے گچین کننگ نا حق دوئی مریک‘ ہر السی نمائندہ نا پد اٹ لکھ آ بندغ آتا وونٹ آک ءُ۔ اوپارے کہ نزورآ جمہوریت ہم آمریت آن جوان ءِ‘ ننا خوش بختی دادے کہ اینو نا چین ءِ پوسکن آ دور انا کل آسراتیک دوئی اریر‘ اوپارے کہ پاکستان نا شونداری کن کل ءِ خواری کروئی مریک‘ ملک انا آبادی نا بھلا کچ ورناتیا ساڑی ءِ‘ پارلیمان کل ادارہ غاتا لمہ ءِ اونا شرف ننے آ کل آ فرض ءِ‘ پارلیمان ءِ شرف تننگ اصل اٹ پاکستان نا شرف تننگ آنبار ءِ‘ طالب علم آتے قومی اسمبلی نا چندی بشخ آتیان پارلیمانی نظام ءِ ہیل کننگ نا سبخ رسینگک‘ شہید گودی بے نظیر بھٹو کنا استاد ئس‘ شہید گودی بے نظیر بھٹو مچ آزند جمہوریت نا بالادستی کن جہد کرے‘ بھٹوخاہوت پاکستان کن بے کچ قربانی تسنے‘ننے وونٹ انا حق ءِ قائد عوام شہید ذولفقار علی بھٹو تس‘ اختلاف سلاہ درشانی جمہوریت نا زیبائی ءِ ولے اختلاف سلاہ درشانی نا پن آ بایدے کس اس بے چیٹی تالان کپ۔ او پارے کہ نن پاک فوج وتینا ادارہ غاتیا گمر کینہ۔

(آن لائن)