زرگزرانی تنکی مون تروک ءِ‘سیاست بایدے شخصیت آتا برخلاف مف‘بلاول بھٹو

کراچی : وزیرخارجہ و چیئرمین پاکستان پیپلز پارٹی بلاول بھٹو زرداری پارینے کہ ساڑی ورنا چین میرٹ و شفافیت آ باور کیک‘ ورناک فیصلہ کننگ اٹ وارخواہی خوارہ‘ اینو نا دود اٹ بشخ ہلنگ نن کن شرف انا ہیت اسے‘ ننے زرگزرانی و ایلو چیلنج آک مون تروک ءُ‘ ننے سیاست آن خار وبشخ وپانٹ ءِ چٹفوئی مریک‘ ننا سیاست بایدے شخصیت آتابرخلاف مف‘ منہ بندغ ورناتے ریفسا اوفتے بیدادی آ وگائفنگ خوارہ‘ اوفتے رد کروئی مریک‘ ننا منزل بایدے شونداری وشونہالی مرے‘ پیپلز پارٹی جمہوریت آ باور کیک‘ ملک آن غریبی و بے روزگاری ءِ چٹفنگ کن کل ءِ اواری اٹ کاریم کروئی مریک‘ اینو نا دور انفارمیشن ٹیکنالوجی و مصنوعی ذہانت نا دور ءِ‘ پاکستان اٹ کماشی کننگ کن ورنا چین ءِ مون آبروئی مریک‘ ورنا چین نا آخبت ءِ تینا دوٹی کننگ ناوخت بسنے‘ ورناک بایدے سائنسی علم آ زیات چکار کیر۔کراچی ٹی صفا یونیورسٹی نا کانووکیشن آن تران کرسا بلاول بھٹو زرداری ”جدید و جمہوری“ قوم انا جوڑ کننگ نا عزم انا درشانی کرے‘ بے سہبی ہچ ءُ آپشن اس اف‘ ہمو بندغ آتے مسترد کننگ نا گرج ءِ ہرافک نمے گمراہ کننگ خوارہ۔ بلاول بھٹو پارے کہ اینو نا دود اٹ بشخ ہلنگ کن کن شرف انا ہیت اسے‘ نن مدام مفاہمت نا سیاست ءِ امنا کرینن و خار انا سیاست ءِ مسترد کرینن‘ ننا سیاست نا وت بایدے جنگ مف‘ نن اسہ ہندن ءُ قوم اس جوڑ کننگ خوانہ ہرا کل انا مرے۔

(آن لائن)