الیکشن کمیشن لس گچین کاری تیکن ڈرافٹ پولنگ اسکیم ءِ تیار کرے

اسلام آباد : الیکشن کمیشن قومی و صوبائی اسمبلی نا گچین کاری تیکن ڈرافٹ پولنگ اسکیم ءِ تیار کرے‘ آر او تا تعیناتی اسہ ہفتہ غان گڈ پولنگ اسٹیشن نا مہشون تے فراوان کننگک‘ حوالی نا رد اٹ مچ آ ملک اٹ لس گچین کاری تے اڈ تننگ ناباندات آ الیکشن کمیشن گچین کاری تیکن ڈرافٹ پولنگ اسکیم ءِ تیار کرینے ہرانا رد اٹ مچ آ ملک اٹ 93 ہزار 371 پولنگ اسٹیشن جوڑ کننگک‘ پنجاب اٹ 49 ہزار 871 پولنگ اسٹیشن جوڑ مریرہ‘ پنجاب اٹ 14 ہزار 960 پولنگ اسٹیشن بھاز حساس و 9 ہزار 974 حساس، 24 ہزار 937 نارمل پولنگ اسٹیشن مریرہ۔کے پی ٹی 15708 پولنگ اسٹیشن جوڑ کننگک‘ کے پی ٹی 4 ہزار 296 بھاز حساس، 6 ہزار 549 پولنگ اسٹیشن حساس گوندنگانے۔ حوالی نا رد اٹ سندھ اٹ 19 ہزار 348، بلوچستان اٹ 5 ہزار 15 پولنگ اسٹیشن جوڑ مریرہ‘ سندھ اٹ 4 ہزار 823 بھاز حساس، 14 ہزار 525 پولنگ اسٹیشن حساس گوندنگار‘ بلوچستان اٹ 2 ہزار 83 بھاز حساس، 2 ہزار 68 پولنگ اسٹیشن حساس ءُ‘ اسلام آباد اٹ 1 ہزار 41 پولنگ اسٹیشن جوڑ کننگک‘ بنجائی دارالحکومت اٹ 326 بھاز حساس، 221 پولنگ اسٹیشن حساس گوندنگانے‘حوالی نا رد اٹ آر او تا تعیناتی نا اسہ ہفتہ غان گڈ پولنگ اسٹیشن نا مہشون تے فراوان کننگک‘ گچین کاری تیان 2 تُو مست ڈی آر او، آر او و اے آر او تا تعیناتی ءِ کننگک۔ پریذائیڈنگ افسر، اسسٹنٹ پولنگ افسر، پولنگ افسر آتا مہشونک تیار ءُ۔

(آن لائن)